[frame="1 80"][align=center]كان يا مكان في عصر منذ مبطي كان هناك فتاة تدعى (مضاوي ويدلعونه نانسي وهبي)ايه هين ياعاشه المرطى
وكان سبحان اللذي خلقها في كشرتها من جمال رباني من غير اي عمليات مساعدة مثل مكياج او عمليات تجميل او غيرها البته <<< وربي مايسمعني سيبويه غير انه يسوي دبل كيك وهو في قبره <<<خبرهـ كوره
وكانت تستيقظ في وقت مبكر وتروح لم الحمام وتنظر الي كشرتها وتقول سبحان الذي خلق خوفاً ان تعطي نفسوها عين ثم تضرب,,أسنانها في الفراشاه شاريتها من بقالة ابو شنين الله يخليه لنا ثم تضع على وجهها كريم حق النفري اي الحبوب
وبعد ما أخلص اي أنتهي أرتدي خلاقيني ثم أنزل اللي أهلي واذا بي أبي وأمي وأخوتي يرثعون من الفطور والقهوة لدرجه ان كل واحد منهم منبطح من النعمة ,,, واسمع ابي يقول ((عوذه من هالخبله متى ربي يقلعها عنا)) ,,,, وأجلس واقول بكل أدب قوووووووووود موررررررنق ,,, ويرفسني او خلونا نقول يضربني بعقال اخي سعيدان.. ويقول ليه ما تغدين حرمه ماهوب أحسن لا بها الدله يا زليله الحياء ,,,, واكتمها في صدري واسكت (حشى مانيب بنتهم تسني بنت الشغاله)
ثم التفت لم امي واقول يمه فديتك صبي لي قدح من القهوه ,,,,, وتقول لي ايه هين افلقيني إذا صبيتلتس مابقا الا هي صبي لنفستس والا طسي وبعد كلمات الدلع أعض على شحمه,,,,,
والتفت الي أخي الصغير سعيدان وحبة الفول عالقه في أنفة وأقول له ياأخي هل لي بقهوه ثم ,,,,
يسحب نشقة يكاد ان يسحب مخه معها ويقول لي ؟ ولماذا اصب لتس وراتس ايدتس فيها شي؟
ثم تندبل تسبدي منهم ولا ادري اين اذهب وماذا افعل أتدرون ماذا فعلت ,,,,
ذهبت الي غرفتي قصدى عشتى ,,,, وفتح النت وانا أدوج في النت ,,,, وبينما انا في احد ازقه النت<<<<يمديكم على كشخه الغه ,,,, طلعت لي رسالة من الماسنجر <<<< شكلي مضيعه بيتنا صح
المهم طلعت لي رساله بوصول أيميل جديد ,,,, طعلت هالرساله تخص هالمنتدى الموقر ,,
قلت خلينى أشوف وش عندهم ,,, بس بصراحه صعقت توني ادري ان دولتنا فيها منتدى زين<<<< (( بعض الناس ماودك انهم يسولفون ابد ابد )) ,,, ولا كنت بصراحه مفكره ان فيه منتدى لين الحين فيه ناس تكتب كل المنتديات الحين صايره كنها شات ,,,,,, يعني على بلاطه أعجبني وحبيت اسجل معكم ,,,,
وهذا انا سجلت <<< وكل هذا عشان تقولين اني ابي اسجل سجلي بقريح بس لا تقلقين خلق الله معتس
ونشوفكم على خير
الزبده رحبو فيني ولا ابشيل قشي وامشي <<< ضفي وجهتس والله اللي محد درا عنتس
__________________
التوقيع مضر بالصحه
وش تبون في التوقيع ؟؟؟
اخاف تزورون كمبيالات ولا شي
عاد انا خلقه داجتن الضحى على الحديده ماهنا حال
بس وربي خايفه تنهبون مني الحديده
همن اصفى على ولا شي
على فكره نسيت اقول يمنع منعا باتا اصطحاب الاطفال ولا دخولهم موضوعي
بس ارجال البالغين والعاملين عليها<<<<<<حشى صدقه ماهوب ترحيب
والبنات العاقلات مثلي<<<<<<<شكله تبي تكفففففففخ[/align][/frame]
تعالوووو شوفوو وش صار بمنتديات حفر باطنكم يؤيؤيؤيؤ
مرحبـــــــــــا وياهــــــــــلا فيكـــــــــي
العرض العادي
