بعد طول غياب أقدم "أحلى سالفه" علها تحوز على رضاكم

[الوطني]

يوم طلب أحد الأعضاء إنا نذكّره بشعراء المنتدى عدوا الشعراء ونسوا الوطني وقلت يحق لهم الوطني مبطي ما نزل قصيده ..... وقبل يومين كتبت هالقصيده علها تعيدني لذاكرة بعض الأعضاء

مع وااافر المحبه والتقدير



[poem=font="Simplified Arabic,5,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=1 align=center use=ex num="0,black"]
قال منهو كنه ابخير وهو ما هو بخير = حاير ٍ بين الهوى والهموم الجارفه

صابر ٍ يرجي الليالي تغني بالمسير = لو اغناها ألحان حزن ٍ بروح ٍ نازفه

سقت رجلي أطرد الحظ باليوم العسير = عل نفسي والأماني تجي متوالفه

وقمت أكابر وأردع القلب عن شي ٍ كبير = لين شفت هموم قلبي تجيني زاحفه

قلت يا قلب العنا اركد قبل عقلي يطير = الغلا لا زاد ضيّع اعقول ٍ عارفه

خابر إن المستحيل ابـ قوانينه يصير = لو ظروفك والأماني تجي متخالفه

آه ثم آه ٍ وآه ٍ من اللي بالضمير = حب قيدني وخلى اعروقي ناشفه

ليتني في حظنها لو غدا عمري قصير = وليتها تشوف الغلا اللي بروحي شايفه

أرتكيت وقمت أشم الهوى شم العبير = عل يحيي ما بقى من زهور ٍ تالفه

من غلاها صرت لاني بصير ولا ضرير = ما أشوف ابعيني إلا صورها واقفه

أنتقد نفسي بنفسي على شي ٍ كثير = وأختلق وأصدّق أعذار لوهي زايفه

وأدري إني في مدارات تيار ٍ خطير = هايم ٍ في سكته والجوارح خايفه

حبها خلاني أون ونات الكسير = رغم كبر ٍ في شموخي ونفس ٍ نايفه

أدفع الآهات وآقوووول عل بالأمر خير = دامها حلم ٍ أعيشه ابأحلى سالفه

= دامها حلم ٍ أعيشه ابأحلى سالفه

= دامها حلم ٍ أعيشه ابأحلى سالفه [/poem]



ملاحظه .....الألف الزائده في بعض الكلمات لقرائتها بلهجتنا العاميه