دحيم نبغي نعيش ذبحنا الجوع
نبي دريهمات
الناس عاشت وحنا مثل ماتشوف سنعنا يا خي
ها هه ها هه
ول يادحيم من كثرت دريهماتك وضحكتك زاينه
وجع بوحميد ماتشوفني جالس بصدر المجلس إركد
ولعانه فيك بوحميد راح أنصحهم بالصح
اسمعوني وأنا دحيم ولد موضي
( بدون فلسفة حسبة متقنة )
إذا عند الواحد منكم مبلغ قهوجي تجار الأسهم
يعني حروت مبلغ خمسين ألف ريال
يقدر يعيش منه وخلال شهرين
متأكد إذا الله وفقه يكون مبلغه دبل مرتين
بس فيه طريقة بسيطه بنظركم
ومن الصعب تطبيقها إذا لم تكن قنوعا
ولكن من إستطاع أن يمشي على الطريقة اللي راح أقولها
يبشر بالخير إذا الله أراد
كل ما اشتري جريدة يقص جدول الاسهم لمدة اسبوعين
ويركز على أسهم البنوك فقط أقول فقط
عشان يلعب بالمضمون
ويشوف كل بنك على حدا
ويكتب أقل سعر له طيلة هالفتره وكذلك أعلي سعر
نفترض بنك الرياض
أقل سعر له في الاسبوعين وصل 600 وأعلي سعر 750
ويأخذ له ورقة بيضاء ويسجل بنك الرياض 675 منتصف سعره
عشان هالمبلغ اللي سجله يصبح عنده معادلة الميزان
مايشتري الا بجهة ميلان الميزان
وبعد مايضبط كل معادلاته يحدد له يوم واحد في الاسبوع
الظاهر قلت يوم واحد بالاسبوع ماقلت يومين
وينصف مبلغه نصفين ويشتري بنصف فقط
ومايحدد من مزاجة وش يشتري أي سهم من البنوك
اللي يحدد الميزان أكبر مبلغ
مايل فيه الميزان بجهة السالب يعني النقص
ويطلع من البنك
ويجى الاسبوع اللي بعدة ويشوف الميزان أي معادلاته
ويشتري على طول حسب ميزانه بالمبلغ الباقي من رصيد حافظته
ويشوف الاسهم اللي اشتراها الاسبوع الماضي
هل مالت لجهة الموجب يعني زادت عن ميزانه معادلته اذا كانت زايدة
حتى وان كان مبلغ الزيادة بسيط يبيع فورا
ويشتري بكامل مبلغها أكبر مبلغ بجهة النقص ميلانه
ويستمر على هذا الحال ويسلم أمره لله العزيز الحكيم
وبعد شهرين يكلمني
ومع السلامه والحامي الله ثم صناديق استثمارات البنوك من الخساره
يعني ياغشيم إلبد ورا الطحاطيح
وتقبلوا تحياتي حبايب البي وكلام دحيم أشوفه موزون
المواضيع المتشابهه
العرض العادي
