السلام عليكم ورحمة الله وبركاته
اسعد الله اوقاتكم بكل خير
مشاركة للتواصل وعذراً على الغياب
تقبلوها مع فائق احترامي ,
[poem=font="simplified arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشاعر اللي غفا ماطاح مسباحه=والموج ماغاب عن بحره ولو هدا
يوم ان راعي القصيد ابياته سلاحه=مايرتخي محزمه في البدع والردا
بحر الشعر عاش غواصه وسباحه=رغم العواصيف ورغم الجزر والمدا
احدن يغني على ليلاه في الساحه=واحدن تبلل عباير عينه الخدا
الباب مايفتحه ياكود مفتاحه=وكم باب لوينفتح ماعاد ينسدا
كفيت نفسي وهي ماهي بمرتاحه=وقفيت من حسرتي عن ماضي عدا
الحيره اللي تجيب الصمت ذباحه=والهرج حين السحا مطلوب ومبدا
هموم بقعا بقت ماهي بمنزاحه=مافارقت خاطري في المزح والجدا
الوقت ممحل وقلبي داخله واحه=مليت اعاند زمان الجور واتحدا
ياهاجس الشعر تتعبني بلا راحه=والبوح مابيننا لاجاب ولا ودا
ان شفت قلبي سلى تلامس جراحه=وتزيد همه هموم مالها حدا
وان جاك يشكي شقاه وقلة افراحه=ماكنك الا تقيم بحقه الحدا[/poem]
عبدالله الأحمد