حياكم الله أخواني الأفااضل وأخــــــواااتي الكريمات ؛؛؛؛
..بمان الآن هو موسم الفقع ؛ نقلت لكن { كبسة الفقع } ..
أتمني ما تأكلون أصاابعكم وراهااا
{ أولاً }
ننقع الفقع بماي بارده لمدة لا تقل عن خمس ساعات خوانيعلى
شان بسرعه يتنظف ويتقشر بسهوله
{ ثانياً }
[mark=000000]المقادير :- [/mark]
3 كيلو فقع + يد خروف مقطعه 4 قطع + 4 كاسات رز بالكويتي عيش
+ 7 بصل كبار مفروم مو ناعم مره
زيت للحمس + ماء مغلي + كركم وكاري وملح وفلفل اسود ولومي مطحون
ودارسين عدل وقرنفل صحيح ملعقة سمن
[mark=000000]{ ثالثاً } [/mark]
الطريقة:
نضع اللحم مع ثلاث ارباع كمية البصل بالزيت ورشة كركم وكاري
و نقلب على نار هادية وكلما زاد التقليب صارت النكهه أحلى بس لا
يحترق قاع القدر بعد نص إلى ساعه الا ربع من التقليب نسكب الماء
المغلي والفقع والدارسين والقرنفل الملح بعد ساعه ونص نرشه على
شان اللحم يصير ذايب
وبعد ما يستوي اللحم نصفيه ونشيل اللحم على جنب والفقع لحال
والمرق لحال ناخذ باقي البصل ونحمسه
بمقلاة تيفال وبس يتغير لونه شوي نحط عليه الفقع المسلوق
ونحمسه ونرش عليه الفلفل الاسود واللومي المطحون
بعد ما نقعنا الرز بماي حاره شوي وملح لمدة نص ساعه نصفيه
ونحط شوي زيت بقدر لمن يحمى نصب عليه مرق اللحم وطبعا هالحركه
هي سر طول حبة الرز بس بعدوا
عن القدر لا يطير عليكم زيت وعلى نار عاليه الى ان تنشف المويه
ونحط اللحم على جنب!!
والفقع عليه ونغطي القدر على نار هاديه مرره لمدة لا تقل عن نص
ساعه الى ساعه على شان يتشرب الرز ريحة الفقع بالفلفل الاسود واللومي
ولا تنسون الاساس رشة سمن من فوق بس للريحه لا تكثرون ملعقة وحده
{ السمن الأخضر }
وممكن التويع بالسطات حسب الرغبة ؛ دقوس اجار المنجا
][* لحق ماتلحق>> كبسة فقع *][
ـــــــــه 
العرض الشجري