[poem=font="Simplified Arabic,4,blue,normal,normal" bkcolor="transparent" bkimage="backgrounds/11.gif" border="none,4,gray" type=0 line=0 align=center use=ex num="0,black"]
كيف ارتجي وانت الرجا فيك مقطوع=خل الرجا للي إلـى اوحـى يجيبـه
يا مـا ترجيتـك بعبـرات ودمـوع=ليـن الرجـا قلبـي بـدا يستعيبـه
ماينفع الراجي رجىً غيـر مسمـوع=مع الهوى يسـري ولا يشتفـي بـه
يا هيه كان إنك ترى الموت مشروع=للـي يـودك والرجـا مـا يثيـبـه
عجّل مماتي درب الأموات متبـوع= أريح لقلبـي مـن طويـل إتْعذيبـه
بالموت راحة خافـقٍ منـك مليـوع= قاسى وعانى واحتـرق فـي لهيبـه
وش تنتظر روحي معك منت ممنوع= وأنـا مـن الدنيـا كفانـي مصيبـه
كانك تبين أنساك وأنسى الهوى طوع=هيهات .. دوّر غير ذا ينحكي بـه !
حبّك مع اعروق الحشا صار مزروع= بالطيب مـا يجلـى ولا بالغصيبـه
ماهوب حبك من حشا الروح منزوع= لا والذي مـا تعلـم النـاس غيبـة
ياخل يا للي لاجلك القلـب مفجـوع= لك خافـقٍ يتبعـك وش تنتـوي بـه
رجوى رجيتك والعتب عنك مرفـوع= قل وش نهاية مـن تـردى نصيبـه[/poem]
محمد العبيد الله