اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > مشــــاعر الــــروح

مشــــاعر الــــروح يختص بالشعر النبطي

إضافة رد
 
أدوات الموضوع انواع عرض الموضوع
قديم 23-12-09, 09:27 PM   رقم المشاركة : 1
سندرلا الحفر
شاعره
الملف الشخصي






 
الحالة
سندرلا الحفر غير متواجد حالياً

 


 

new5 شاعر يسند قصيدته ل سندرلا الحفر وترد بقصيده

السلام عليكم ورحمة الله وبركاته

اخواني الاعضاء الاكارم انقل لكم قصيده أحد الشعراء عندما اسند قصيدته لي وردي عليها

وأن شاء الله تعجبكم

][®][^][®][يقول الشاعر][®][^][®][


[poem=font="Simplified Arabic,6,darkred,normal,italic" bkcolor="skyblue" bkimage="" border="solid,3,gray" type=2 line=0 align=center use=ex num="0,black"]
الوقت قفّى والمسا يطـوي النـور =والشمس غابت والرجا في قمرهـا

ساعة غريب الدار تاخذ به عصور =والثانيـة مثـل السنـة يعتبرهـا

خيط الرجا في كف الاقدار منثـور = هذا بخـت نفسـي وهـذا قدرهـا

حالي من الايام ناحـل ومكسـور = والعين نار الحزن قصّـر نظرهـا

والراس من ضيم الزمن جايه الدور= عاين جنوب الراس بيضن شعرهـا

مانيب شايب مار شيبي طلع جـور = ضحكة صبا عمري زماني غدرهـا

عمري ورا العشرين بايام وشهـور = ومن شافني قال المية قـد عبرهـا

حلمي تركته بين الاضلاع مقبـور = اوشك عليه الدهر بايديـه وأرهـا

ماعاد لي في جهاد الايـام مقـدور = الي جبرها العـام قـام وكسرهـا

رضيت ومجمّل ياوقتـي ومعـذور = شرهة نديمك دون وجهك قصرهـا

يالله دخيلك ضاق بهمومي الـزور = وعروق قلبي فوق كبـدي فجرهـا

لو اشتكي همي على ملوك وقصور = الي عمـر بيـت المعـزة دمرهـا

ولو اشتكي على شيوخن بها نـور = كبت فرايضها وشاهـت صورهـا

ولو اشتكي همي على سيّدة حـور = سد الرمد موق العيـون ونظرهـا

ولو اشتكي على بساتيـن وزهـور = هبت عليها الريح واخلـت ثمرهـا

لو اكشفه ماشفت فالارض مسرور = والقاع تمحل لـو تهامـل مطرهـا

يالشاعرة مالك على الوضع منظور = قرين فكري قـال قـم واستشرهـا

الطيبة مادونهـا يقصـر الشـور = والخايبة تفضـح عفيفـن سترهـا

وانتي وفيتي كاملة عقل وشعـور = بنت الرجـال بكلمتيـن اختصرهـا

هذي ثلاث سنيـن مكـره وجبـور = واقرب قريبـن للمشاعـر قهرهـا

ظلمه بحر وانا على البحر بابـور = والريح بامره يـوم ربـه ومرهـا

ان قلت اساير موجها مت مقهـور = واليا عكست الموج اكلني بحرهـا

اسكت واقول اومور واطيح ف امور = والـي تعـدّي مايعـدّي خطرهـا

صبرت مار الصبر ضاقت به صدور = والنفس تصبر لين يطفـح كدرهـا
[/poem]

ردي عليه

[poem=font="Simplified Arabic,6,black,normal,italic" bkcolor="skyblue" bkimage="" border="solid,4,gray" type=2 line=0 align=center use=ex num="0,black"]
الوقت مايظلـم ولا جـاك بقصـور = والشمس وصت للقمر فـي سفرهـا

والليل يسري والصبح يشمخ السـور= وأمـورنـا بأفكـارنـا نفتكـرهـا

لا تشتكي من هـم والهـم مدحـور = أسمع نصيحـة واحـداً ماظمرهـا

أشكـوا لله مـودع الذنـب مغفـور = مرجع لحال أيوب وكاشف ظررهـا

الحالة اللـي قلتهـا عيونهـا عـور = تطى علـى نـاراً تقـادح شررهـا

العمرواحد وثاني العمـر محظـور = ما زأنت أيام الشقاء لمـن زمرهـا

والحلـم واحـه لا تخليـه خابـور = من الحلم نرفع بيضها عن سمرهـا

ولا تنحني للحب والحـب محـذور = يهيم فـي روح الرجـل يعتزرهـا

قبلك طوى التاريخ طيات وسطـور = وسجل رويات الهوى ما اختصرهـا

ابن الملوح قـد غنـا علـى القـور = يالليل ماشفت العنـى فـي نحرهـا

وابن الدجيماء راح من غير دستـور = سبت هنوف (ن)يوم مـر وذكرهـا

ماجور والله يارعى الحـب ماجـور = يالي تعف النفـس وتـدرا أزرهـا

النفس له سلطه والعبـد مـا مـور = وألا بـل ماتاكـل بقايـا وبـرهـا

والطيب مسك وخالط المسك كافـور = ومن لا يعبر صاحبه مـا اعتبرهـا

يشكي علي من اللي لها النهد مزبور = الي خذت من نص عينـه حورهـا

اليا مشت ياقف لها السيـد طابـور = وصفق لها الجمهور ولا احدن حقرها

أرسلت له مرسول وردت على الفـور = وصفت له حال الخوي وجا خبرهـا

قالت بقوله بالحشاء صـار محفـور = أسمه وشكله أنحـت فـي صخرهـا

وفي ذمتي ولاني على الحلف مجبور = حبه مـع الشريـان وقـر بوقرهـا

بالنون حول الرمش بالعين مذكـور = وبقصى الضماير فلةً(ن) معتمرهـا

ماتنكشف لو يطلب الكشف دكتـور = ولو جاب علم وعـدة (ن)مذدخرهـا

وماينجلي لو يرتقـا بسـورة النـور = ولو المطـوع قـام يقـرا بجهرهـا

ولو الولد ينكر على أبـوه ويجـور = منكـر غـلاه والمشاعـر أسرهـا

ولو الوطن يهدم على ساكن الـدور = صاح الغلا في داخلي وحتكرها[/poem]

شعر سندرلا الحفر







التوقيع :

رد مع اقتباس
قديم 23-12-09, 10:01 PM   رقم المشاركة : 2
ابوفواز
عضو جديد
الملف الشخصي






 
الحالة
ابوفواز غير متواجد حالياً

 


 

رد: شاعر يسند قصيدته ل سندرلا الحفر وترد بقصيده

صح لسان الشاعر

وصح لسانك شاعرتنا سندرلا الحفر

ويعطيكم الف عافيه

اخوكم ابو فواز







رد مع اقتباس
قديم 23-12-09, 10:09 PM   رقم المشاركة : 3
معرّب الجدين
العضوية الماسية
الملف الشخصي







 
الحالة
معرّب الجدين غير متواجد حالياً

 


 

رد: شاعر يسند قصيدته ل سندرلا الحفر وترد بقصيده

صح لسانه وصح لسانك اختي سندرلا

دائما مبدعه ومتألقة والشهاده فيك مجروحة

كنت هنا







التوقيع :
[/align]

رد مع اقتباس
قديم 23-12-09, 10:54 PM   رقم المشاركة : 4
[ مشعل الشوق ]
شاعر
الملف الشخصي







 
الحالة
[ مشعل الشوق ] غير متواجد حالياً

 


 

رد: شاعر يسند قصيدته ل سندرلا الحفر وترد بقصيده

مساء الخير اختي

خيط الرجا في كف الاقـدار منثـور
هـذا بخـت نفسـي وهـذا قدرهـا

لاعلم هل الخيط ينثر ؟ او ينفل ؟ تمنيت صياغتها بشكل اخر

بالنسبه لردك

والحلـم واحـه لا تخليـه خابـور
من الحلم نرفع بيضها عن سمرهـا

الحلم نرفع بيضها عن سمرها < هنا اشوفه مستقيم لان من فيه ثقل مع النطق !

النفس له سلطه والعبـد مـا مـور
وألا بـل ماتاكـل بقايـا وبـرهـا

النفس له < ماتجي استاذتي
ممكن تكون كذا النفس لها لانها مونثى او مفرده تئنيث ولكن تكسرها بالشكل هذا


أرسلت له مرسول وردت على الفور

ارسلت لها مرسول < لان المخاطب انثى ارسلت له يخاطب بها المذكر

واتوقع خطا مطبعي هذا

اخيراً

منكـر غـلاه والمشاعـر أسرهـا
ثقل في البيت اختي هنا


سندرلا انتي شاعره جزله والملاحظات البسيطه هذه اتت من قلب محب لفكر شاعره جزله

قصيده عانقت الشموخ بعيدا عن المجامله جزاله وصلابه في الابيات وصور تشبيهيه جماليه جداً

تستحقين الصداره بها

دمتي بـ خير

مشعل الشوق







التوقيع :
وخالقي أحترق ولا يعلمون .. !

رد مع اقتباس
قديم 24-12-09, 08:21 AM   رقم المشاركة : 5
دلوع الحفر
عضو برونزي
الملف الشخصي






 
الحالة
دلوع الحفر غير متواجد حالياً

 


 

رد: شاعر يسند قصيدته ل سندرلا الحفر وترد بقصيده

صح لسانك واستقام جنانك وسلم بنانك

القصيدة رائعة والملاحظات اللي ذكرها اخوي مشعل الشوق قد جانبه الصواب فيها ولم ينتبه

الله يسلمه للهجة الشاعرة الشمالية فالمؤنث ينطق بلفظ المذكر عند اهل الشمال وهذه نقطة

لاتخفى على الجميع عكس اهل نجد والجنوب فكلمة ( له ) تنطق على المؤنث بالفتح

وعلى المذكر بالضم عند اهل الشمال ولايمكن ان تنطق على المؤنث عند غيرهم ...

اما البيت اللي يقول /
والحلـم واحـه لا تخليـه خابـور
من الحلم نرفع بيضها عن سمرهـا

مستقيم جداً لاننا نعلم ان النون تدمج اثناء النطق فيكون مالحلم نرفع بيضها عن سمرها

وهي نطق البادية عموماً لكن لانستطيع كتاباتها بدون نون لانه ربما يفهم المعنى خطأ وكأنه

نفي ...

اما البيت اللي يقول :

خيط الرجا في كف الاقـدار منثـور
هـذا بخـت نفسـي وهـذا قدرهـا

فالخيط ينثر بما فيه اذا كان يحتوي على خرز مثلاً فيقال نثرت الخيط وهو تعبير مجازي لما في
داخله ...

هناك اخطاء املائية يعرفها اي شاعر وربما لاستعجال الشاعرة دور في ذلك مثلاً /

اشكوا = الشكوى
تطى = تاطى
رويات = روايات

ماجور والله ياراعي الحب = ماجور والله راعي الحب
وزيادة الياء تكسر البيت واعتقد ان استعجال

انحت = انحّت
بالشدة حت يقرأ البيت صح ولو انه مامر عليّ وقريته بالشكل الصحيح
الشاعرة سبب في ذلك


اما البيت اللي يقول /

يشكي علي من اللي لها النهد مزبور

فهو / يشكي على اللي من لها نهد مزبور

لكن الاستعجال وعدم الانتباه واضح من اختي سندرلا

وطبعاً القصيدة جداً رائعة لكن نصيحة لاختي لاتستعجلين وانتبهي للاخطاء الاملائية ويمكن بعض

حروف الكيبورد تعلق عندك واشتري واحد جديد ولحني القصيدة على لحن شيلة او اغنية

ويتضح الفرق ...

ومرة ثانية صح لسااااااااانك والمستقبل لك وتقبلي اعجابي وانبهاري بقوة معانيك وسلاسة

الفكرة وذاكرتك التاريخية الرائعة بالتمثيل ببعض الشخصيات التي ربما لايعرفها البعض

كابن الدجيماء ، واشتمال القصيدة على نصائح وعبر وهي ميزة تحسب لك ..

انتي مجاااااااااااااااااااااازة انتي وقصيدتك وانتبهي لملاحظاتي فقط







التوقيع :

رد مع اقتباس
قديم 24-12-09, 01:44 PM   رقم المشاركة : 6
ابن التعليم
عضو نشط
الملف الشخصي






 
الحالة
ابن التعليم غير متواجد حالياً

 


 

رد: شاعر يسند قصيدته ل سندرلا الحفر وترد بقصيده

ابياااااااااات كلها جزله

تحيااااااااااتي للجميع







التوقيع :
لاإله إلا الله محمد رسول الله

رد مع اقتباس
قديم 24-12-09, 06:37 PM   رقم المشاركة : 7
سندرلا الحفر
شاعره
الملف الشخصي






 
الحالة
سندرلا الحفر غير متواجد حالياً

 


 

رد: شاعر يسند قصيدته ل سندرلا الحفر وترد بقصيده

اقتباس:
المشاركة الأصلية كتبت بواسطة ابوفواز
   صح لسان الشاعر

وصح لسانك شاعرتنا سندرلا الحفر

ويعطيكم الف عافيه

اخوكم ابو فواز


هلا ابو فواز صح بدنك

شكرا لمرورك الراقي






رد مع اقتباس
قديم 24-12-09, 06:39 PM   رقم المشاركة : 8
سندرلا الحفر
شاعره
الملف الشخصي






 
الحالة
سندرلا الحفر غير متواجد حالياً

 


 

رد: شاعر يسند قصيدته ل سندرلا الحفر وترد بقصيده

اقتباس:
المشاركة الأصلية كتبت بواسطة كبرياء رجل
   صح لسانه وصح لسانك اختي سندرلا

دائما مبدعه ومتألقة والشهاده فيك مجروحة

كنت هنا

كبرياء رجل

صح بدنك

شكرا لمرورك الشامخ

لك الاحترام






رد مع اقتباس
قديم 24-12-09, 06:43 PM   رقم المشاركة : 9
سندرلا الحفر
شاعره
الملف الشخصي






 
الحالة
سندرلا الحفر غير متواجد حالياً

 


 

رد: شاعر يسند قصيدته ل سندرلا الحفر وترد بقصيده

اقتباس:
المشاركة الأصلية كتبت بواسطة [ مشعل الشوق ]
   مساء الخير اختي

خيط الرجا في كف الاقـدار منثـور
هـذا بخـت نفسـي وهـذا قدرهـا

لاعلم هل الخيط ينثر ؟ او ينفل ؟ تمنيت صياغتها بشكل اخر

بالنسبه لردك

والحلـم واحـه لا تخليـه خابـور
من الحلم نرفع بيضها عن سمرهـا

الحلم نرفع بيضها عن سمرها < هنا اشوفه مستقيم لان من فيه ثقل مع النطق !

النفس له سلطه والعبـد مـا مـور
وألا بـل ماتاكـل بقايـا وبـرهـا

النفس له < ماتجي استاذتي
ممكن تكون كذا النفس لها لانها مونثى او مفرده تئنيث ولكن تكسرها بالشكل هذا


أرسلت له مرسول وردت على الفور

ارسلت لها مرسول < لان المخاطب انثى ارسلت له يخاطب بها المذكر

واتوقع خطا مطبعي هذا

اخيراً

منكـر غـلاه والمشاعـر أسرهـا
ثقل في البيت اختي هنا


سندرلا انتي شاعره جزله والملاحظات البسيطه هذه اتت من قلب محب لفكر شاعره جزله

قصيده عانقت الشموخ بعيدا عن المجامله جزاله وصلابه في الابيات وصور تشبيهيه جماليه جداً

تستحقين الصداره بها

دمتي بـ خير

مشعل الشوق

مشعل الشوق

صح بدنك

للجواب على تعليقك

انظر الى رد الاخ دلوع الحفر لانه كتب كل اللي كنت ناويه اكتبه لك بالحرف الواحد


دمت بخير






رد مع اقتباس
قديم 24-12-09, 06:56 PM   رقم المشاركة : 10
سندرلا الحفر
شاعره
الملف الشخصي






 
الحالة
سندرلا الحفر غير متواجد حالياً

 


 

رد: شاعر يسند قصيدته ل سندرلا الحفر وترد بقصيده

اقتباس:
المشاركة الأصلية كتبت بواسطة دلوع الحفر
   صح لسانك واستقام جنانك وسلم بنانك

القصيدة رائعة والملاحظات اللي ذكرها اخوي مشعل الشوق قد جانبه الصواب فيها ولم ينتبه

الله يسلمه للهجة الشاعرة الشمالية فالمؤنث ينطق بلفظ المذكر عند اهل الشمال وهذه نقطة

لاتخفى على الجميع عكس اهل نجد والجنوب فكلمة ( له ) تنطق على المؤنث بالفتح

وعلى المذكر بالضم عند اهل الشمال ولايمكن ان تنطق على المؤنث عند غيرهم ...

اما البيت اللي يقول /
والحلـم واحـه لا تخليـه خابـور
من الحلم نرفع بيضها عن سمرهـا

مستقيم جداً لاننا نعلم ان النون تدمج اثناء النطق فيكون مالحلم نرفع بيضها عن سمرها

وهي نطق البادية عموماً لكن لانستطيع كتاباتها بدون نون لانه ربما يفهم المعنى خطأ وكأنه

نفي ...

اما البيت اللي يقول :

خيط الرجا في كف الاقـدار منثـور
هـذا بخـت نفسـي وهـذا قدرهـا

فالخيط ينثر بما فيه اذا كان يحتوي على خرز مثلاً فيقال نثرت الخيط وهو تعبير مجازي لما في
داخله ...

هناك اخطاء املائية يعرفها اي شاعر وربما لاستعجال الشاعرة دور في ذلك مثلاً /

اشكوا = الشكوى
تطى = تاطى
رويات = روايات

ماجور والله ياراعي الحب = ماجور والله راعي الحب
وزيادة الياء تكسر البيت واعتقد ان استعجال

انحت = انحّت
بالشدة حت يقرأ البيت صح ولو انه مامر عليّ وقريته بالشكل الصحيح
الشاعرة سبب في ذلك


اما البيت اللي يقول /

يشكي علي من اللي لها النهد مزبور

فهو / يشكي على اللي من لها نهد مزبور

لكن الاستعجال وعدم الانتباه واضح من اختي سندرلا

وطبعاً القصيدة جداً رائعة لكن نصيحة لاختي لاتستعجلين وانتبهي للاخطاء الاملائية ويمكن بعض

حروف الكيبورد تعلق عندك واشتري واحد جديد ولحني القصيدة على لحن شيلة او اغنية

ويتضح الفرق ...

ومرة ثانية صح لسااااااااانك والمستقبل لك وتقبلي اعجابي وانبهاري بقوة معانيك وسلاسة

الفكرة وذاكرتك التاريخية الرائعة بالتمثيل ببعض الشخصيات التي ربما لايعرفها البعض

كابن الدجيماء ، واشتمال القصيدة على نصائح وعبر وهي ميزة تحسب لك ..

انتي مجاااااااااااااااااااااازة انتي وقصيدتك وانتبهي لملاحظاتي فقط

دلوع الحفر

بيض الله وجهك

ورحم الله والديك

كتبت الصحيح والله

صدق الاخطاء الاملائيه هي السبب

والعتب على التعليم ماهو على الكيبورد

ولك علي ماكتب اي بيت حتى اتأكد كتبته صح اولا

لك الشكر والعرفان

اختك سندرلا الحفر






رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:33 PM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم