نصايحكم : أبي ورشه لتصليح مكينه فورد ؟؟

[احمد الغشم]

اقتباس: المشاركة الأصلية كتبت بواسطة الرسن    حميد اليماني متخصص امريكي ويعلمك بكل شي وهو ناصح هكذا نحسبه والله حسيبه. دمت بخير

مبارك
الله يعينك
يمكن وجيه الروس خربانة
وخلطت ماء وزيت
والشغلة بسيطة ان شاء الله
وفيه ورشة الصقرخلف الغاطي وانت رايح غرب تجي يسارك تفتح شمال

[اللاسلكي]

ابدلك على ورشه اتراك ولاراح تصلح الاعندهم شغلهم مضبوط ميه بالميه وللكن ماعرف سامها بالضبط
الوصف
وانت جاي من اشارة الكويت لف يمين قبل محطة الغاطي اللي بالصناعيه وثم لف يسار بعد البنشر اللي بزاوية المحطه ثم لف يمين هي اول ورشه على يسارك

[ابن العاصمة]

اخي الغالي


ابنصحك على ورشة الزبني في الصناعية واحد تركي والله لا يحضرني اسمه لكنه ممتاز انا جربته من قبل شغله رائع وتراه دايم زحمه

الله يذكرك بالشهادة اخي مخاوي الرجال اسمه رسلان


وإن شاء الله ترى سيارتك بأحسن حال

[أبو راشد]

رح للصناعيه لورشة الزبني

تخصص امريكي وفورد بالتحديد والموجودين فيها اتراك اثنين سليمان ورسلان

وهم نصوحين وامينين قبل لايكونون ميكانيكه واعاملهم من 9 سنوات من ايام ماكان محلهم على طريق المطافي القديم

رح بس وقل وين رسلان او سليمان او جنكيز التركي وتوكل وبتدعي لي ان شاء الله

[MuBaRak]

بيض الله وجيهكم كلن بأسمه ماقصرتو بنصايحكم

وأخيراً اتخذت القرار وين أودي الفورد

بعد مشاورات خارج المنتدى لأسماء الورش الوارده هنا

شكراً لكم ,,,

[نادر وجودي]

يالغالي انا ابي اعطيك من الاخير الفوردات لاتصلحها الا عند التركي ورا المرور على كيف كيفك

الوالد قدر الله عليه وخرب باب الجمس الخلفي 2006 مدعوم وخرب الكمبيوتر حق الباب وكلفه التصليح

بالوكاله 15 الف وعند التركي 12 الف يعني فرق وشغل التركي نظيف انصحك فيه

بس اذا تبي قطع غيار للفورد جيبه من الكويت اخوي جاب كل قطع الغيار من الكويت للفورد

وماا شاء الله قطع نظيف وانصحك انك تروح او اي واحد يشوفلك قطع غيار للفورد

نظيفات مواترهم دعم عليها راح قطعها بالسكراب فسق وتلقى الزين بالسكراب مواتر نظيفه

انصحك انك تجيبها من الكويت والله يوفقك ان شاء الله وييسر امرك