.
.
.
.
ترى المجامـل والتصنّـع سماجـة
ماينفع الا الصدق من ماضِ الازمـان
والله مالـي فيـك ياهيـه حـاجـة
الا اني اعتبرك مـن اعـز الاخـوان
تضحك معي .. واضحك معك يادجاجة
لاتحسب اني راجيٍ منـك الاحسـان
وجدي على اللي دوم يضحك حجاجه
ماهوب يضحك يوم .. واسبوع زهقان
ان كـان هرجـي عندكـم مايواجـه
ياهيه لـي غيـرك حبايـب وخـلان
الطيـب لـو كـلٍ تزيّـن بتـاجـه
ان كان ماتلقى مـع النـاس خـوّان
اللي يبي يضحك كذا .. من مزاجـه
يزعل وأنا لرضـاه مانيـب شفقـان
هذا مرض والوقـت عنـده علاجـه
والوقت مايـدرك بلاويـه الانسـان
الحـق دايـم مشعلـيـنٍ سـراجـه
مانلتفت للـي مـن الحـق زعـلان
حيث المجامـل والتصنّـع سماجـة
وماينفع الا الصدق من ماضِ الازمان
.
.
.
.