اختي حبيبتي انا متاكده ماجيتي تفضفضين بالمنتدى الا من حرت قلبج يالله عسى ربي يهديهم لج ويحبب خلقه فيج اخيتي لاتسوين مثلهم لاتقرضين فيهم ولا تشيشين زوجج عليهم كل ماسمعوج شي موزين قولي الله يهديكم وادعي ان ربي يسخرهم لج دوم دوم ادعي وصدقيني ربي حبيبي مايضيع حق احد ابد وان مالقيتي حقج بالدنيا بعزة الله وجلاله بتلاقينه بالاخره فهنيئا لج ان كنتي مرضيه ربي وهذا ضني فيج فهنيئا لان ربي لا حب عبده ابتلاه وصدقيني فيها تخفيف ذنوب لاتتذمرين لانه اعتراض ع عطايا ربي حبيبي غاليتي انتي عبالج ان الكل مرتاح لا غلطانه بلعكس تلاقين غيرج شايل حمل اكبر من حملج بس يحتسب اجره عند الكبير الرحمن الرحيم نصيحه من اختج كل مازادت المصايب قولي الحمد لله من قلب قوليها وقطي وراج وتصدقي باقل شي وبتشوفين باذن الواحد الاحد كل مايسرج حبيبتي لاتدعين عليهم بلعكس ادعيلهم وسامحي حتى تنالين مرتبة المحسنين عند ربي حاسه بنارج ياقلبي بس تصبري قال تعالى وبشر الصابرين كلنا هموم ومشاكل ياالغلا لكن صابرين ولله الحمد ونشكر المعبود ليل ونهار لكن بنفس الوقت ربي معطينا شغلات ماكنا نحلم فيها اعرفي ان ربي ياخذ ويعطي حتى يختبر عبده ويشوف صبره ع البلاء ويشوف شكره لربه ع النعم ’’’اقسم بالله ان ربي رحيم بعباده بس ادعوا ليل ونهار من قلب صادق ’’’يالله رحمتك يارب ’’’ربي حبيبي انصرها ع من ظلمها وريح بالها وسخرها اهل زوجها امين ياكريم
العرض العادي
