مشكله تفحيط في الحواري

كروم الحربي · 14-07-09, 10:09 AM

السلام عليكم ورحمة الله وبركاته

ياناس ياجماعه انا ماقدر انام والله ولا حتى اقعد في البيت كله من الازعاج التفحيط

وبيتنا قدامه ساحة مسجد وحاطين مطبه صغيره في نص الشارع والنص الثاني بدون مطبه

وكل مامر من الورعان وفحط حتى الظهر ابي اقيل الا واسمع تفحيط ابي يمر يوم بدون تفحيط

وحتى الدوريه ماتمر على الشارع هاذا ((والله ازعاج ياجماعه والله))

اروح اشتكي او لا واذا شك مايجي الا بعد شهر وش تبيني اسوي اذا مسكت واحد لعنت ولدينه ويروح

يشكي عند ابوه ويسوي سالفه ((( ابي حل ياجماعه ))) وشكرااا....

معرّب الجدين · 14-07-09, 10:40 AM

نسأل الله ان يعافينا من هالاشكال

ياخوي وين الشرطه ولا الدنيا سايبه

اقسم بالله العظيم ماعمري شفت

اهمال مثل اهمال شرطة حفرالباطن

ياخوان وين المسئولين ليش ماحد ينتبه

قليل الدوريات في المنطقه وخصوصا

المناطق والحواري الحساسه اللي تكثر فيها المشاكل

حسبي الله وهو النعم الوكيل

ناجي الحفراااوي · 14-07-09, 11:36 AM

كان الله في عونك اخي الفاضل

كان المفروض عليك تبليغ الشرطه واعطائهم اسم الحي

وطلب منهم التوجه للحي حتى يشاهدوا التفحيط بأنفسهم

ويتم القاء القبض عليهم.

اتمنى من شرطة محافظة حفرالباطن أستحداث عقاب جديد ورادع للمفحطين!!

جروح الذاكرة · 14-07-09, 03:22 PM

عاد داخل حارة مالها حل ، صعب إنك راح تجبر دورية تعسكر في الحارة عشان تحد من ظاهرة التفحيط . لكن خلك على هالمنوال ، إذا مسكت واحد منهم إدبغه لين يغني حمار بطنه . <<< مصطلح شوارعي

إذا أنت في بيت ملك الله يعينك ، وإذا في شقة حاول تغير السكن

ابو حنين العنزي · 14-07-09, 02:55 PM

الله يكون بعونك بس اما عاد شرطة حفر الباطن عندها الاهمال بعينه
المفروض يسون مكان مخصص لشباب (منتزهات) بس الله يعين
تقبل مروري

شرقاوي 111 · 14-07-09, 03:08 PM

الله يكون في عونكم بس
تراى التفحيط بالحفر كثير اكثر من باقي المناطق السبب؟؟؟؟؟؟؟
قله الدوريات الامنيه والشرطه بس الخلل وين؟؟؟؟؟؟؟؟؟

سعود السهلي · 14-07-09, 07:56 PM

بلغ الشرطة اذا ما نفع امسكه وألعن خامسه وبس ...

sam73102 · 15-07-09, 12:14 AM

الله يكون في عونك ،،،،،،،واسأل له من الله الهداية ،،،والا الله يعينك على الحل الي تراه مناسبا ياصاحبي،،،،،،،،،،،،،،

ER · 15-07-09, 03:37 AM

ياشباب لاتلووووووووومون الشرطه على كل شي

الشرطه عجززت عن هالسرابيت

بس تبي حل اخوي،.؟

خلك بعجرااك واقف بـرى تشووف اي ورع يفحط

اووطى على رقبتــه عشان الباقي يتعض !

برنس حرب · 15-07-09, 09:45 AM

الصبـــــــــــــــــــــــــــــــــــــر مفتاح الفـــــــــــــــرج ، ربما ياتي الفرج في قادم الايام وعليك ان تكيف نفسك مع ازعاج المفحطين حتى تدمن عليه .