[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
مالعنت الا من اسبابــك طعــــون الوداع=ولاغيــره مايجــي منــك (يقلــط) بالظلوع
وماعرفت الامن اعنادك اسلوب النزاع=وان هزمتك تكســر اسلاح فكـري بالدموع
ماسكنت من الغلا كود في صدر الشجاع=سلم البيرق على احساب عشقك والدروع
مانســيـتـك لعنبـــو مـن ينسيــــه انقطـاع=انت نــوع وباقـي الناس مجمــوعه بنوع
شفت فـرق سهيل لامن لمـــع مع كل قاع=انت نجم سهيـل والقـاع من حظ الجموع
بتفلســــف في دقيقــه وابـي منــك استماع=انتبـه .ركــز .وخلك مــع اقولـي سموع
اعشقك عشق الحجــر للطفـــوله بالقطاع=واعشقك عشق السعودي لذربات الطبوع
واعشقك عشق الحــريـري لتحرير البقاع=واعشقك عشق الغريب لوناسات الربوع
واعشقك عشق الايراني لتطــوير الدفاع=واعشقك عشق الجزيره لتصوير الخظوع
واعشقك عشق الفرنسي على منع القناع=واعشقك عشق الخليجي لحبات القدوع
واعشقك عشق السجيــن المقــيــد للوساع=واعشقك عشقي لذاتي او اكثر يالدلوع
شفــت كيف العشـق خــلاني اكتب بااندفاع=صرت اميلها (سياسه) وانكسها رجوع
ثم اقيس الطــول قبل اضــربه بالاارتفاع=واجمع شعوب الدول واضرب الناتج بجوع
ثم اقســــم كـــم( برميل)( بالعملـــه )يباع=والله لتطلـــع نتايج من الحسبـــــــه تروع
ماعلينــا وش علينـــا عسى الناتـــج ظياع=يكفي انا نكــره السبت من حـــب الربوع
المهم ياادعــج غنــج ياابـو عيـونن وساع=في قدومك تضوي امن الغلا كل الشموع
(بختصــر) قبـل (اختــم )اللي كتبتــه بقتناع=اختصار (الراجحي) في مسما ه الفروع
مالعـــنت مــن الغــلا يالغــلا كــود (الوداع)=ولاغيــره مـايـردك عـن الخافـق ظلوع[/poem]
[align=center]
اخوكم /
الشاعر غنمان الغانم[/align]