يا السنين العوج يا درب الشقاوي
ارفقيبي لعنبـو طـاري المـوده
مابقالي من الهوا غيـر المنـاوي
والشقا والضيـم ووجيـهً مصـده
والفراق...ودمعة الخل الغـلاوي
اثرت بي يوم تذرف فـوق خـده
يوم قفا واعدم القلـب الهـواوي
والصبر ماعـاد بـه شـيٍ يبـده
لو قلبي من فراقـه لـو طـاوي
يثنـي الزويـه بزويـه مستبـده
كل ما جريت صوتي له نخـاوي
ماسمعت الا صدى صوتي يـرده
عقبها يامحمـد القـرم النـداوي
وا عذاب القلب يـومٍ بـاح سـده
زادت همومي ولا حولي مـداوي
غير قافٍ يشـرب الهـم ويعـده
ياوجودي وجد مهمـومٍ خـلاوي
ربعه شـوي وزمانـه مستضـده
شبحه بعيدٍ ولـه حلـم وهقـاوي
لكن الحظ الردي والضيـم هـده
والا انا قلبي على شوفه شفـاوي
انقطع منه الرجـا واليـاس قـده
لي ثلاث سنين ماجتني حـراوي
كني اللي غادي ٍ فـي مجرهـده
والمطر لاصب جا سيله نحـاوي
والقدر مانـع هـوى سيلـه ووده
فلو بكيت الخل وازعجت الشكاوي
ودرت من شط الخبر لاشط جـده
مالقيت اللي على وصفه حيـاوي
يسبي القلب الرهيـف ولا يـرده
لكن الله يرزق القلـب الشقـاوي
بالوصل لو كان جانـا بعـد مـده
سـلامـتـكـم