ولعاذلي سُمٍ مع الغبن مسحوق

[عمر عبدالمحسن]

المستحيل بكف الاحـــــــــــــلام مشنوق
وروح الســـــــــــــــعادة باقية لو تعنّيت

والشمس لو غــــــــابت تناديك بشروق
والعلم ياصل والفـعـل يكـــــــتب الصيت

وزمل الحسد عن مفلا الاحلام مسيوق
لين يهبَا بمراح غـلّه اليا جــــــــــــــيت

انا طبيب الـــــــــــياس ومضمّر الشوق
وانا الحياة وعـــــــــــــــــامرٍ للوفا بيت

يلفي عليه اللي من الوقــــــــت مخنوق
يروَى جــــــداي وتنتهي منْه ( يا ليت )

ما كــــــــل دربٍ من هل الفكر مطروق
قفرٍ على غيري وانا به تغــــــــــــــديت

ولعاذلي سُــمٍ مـــــع الغبن مسحــــوق
يسفّ لين المــــوت يشفق على الميِـت

#عمر_بن_عبدالمحسن

[ريم النواااظر]

؛

ابدعت وأمتعت وأتعبت
بهذا الحضور الرائع
ف/حروفك نديه وتفوح بالجزاله
صح نبضك ياعمر
ودائما بأنتظار المزيد
ِ

[جيوكاندا]

صح لسانك ياجزل

[الشعبان]

صح لسانك
ابيات جميلة

[الفارس]

عمر بن عبدالمحسن

شاعر جزل نتشرف به

صح لسانك ملايين على هذه الشامخه