أأأأه ... اليوم الخميس ... أحلى شي في الاجازه إنك تقوم الصباح وتاخذ كوب قهوه وتجلس في الحوش ( واحد فقير ) ... وتتأمل في كل اللي سويته في الايام الفائته ( أسمحوا لي أبي أعبر عن مشاعري بالعامي ) ... للصبح نكهه غير .. بدون التزامات بدون صجه ولا لجه ... والذهن صافي والامور تمام التمام ... رجعت ( فيد باك ) للخلف .... لقيت أني مقصر كثير .. ماقريت من القراءن ولاأيه ... غيرت عادتي كل صبح وصرت بدل ما أجلس على قناة المجد للقراءن قبل اروح للعمل ... افتح اللاب توب وأفتش في المنتدى ... مره زعلت أم العيال ولا رجعت وأخذت بخاطرها ... ومع أنها بنت أصل بس من عيونها أحس أنها تبي كلمه ولو جبر خاطر .. وانا أعوذ بالله من الشيطان عمك أصمخ ... ليشششششششش .... ما أدري .... بس اللي وقفت عنده كثير اللي صار لي البارحة ... البارحة رن جرس البيت وأخذت جهاز ( الانتر كم ) مين >>> زيادة ذرابه ....
انا أفتح يابو الشباب >>> واحد منتهي ....
نعم يابو الشباب وش جايبك الساعه احدعش >>> من قلب إنفجعت ولا ودي أفتح ....
ياخوي أفتح وأنا أقولك بسرعه مستعجل >>> هذا واحد من الجماعه ما عندك أحد ولاني بحبه ...
المهم وتحت الاكراه الاجتماعي والذوق العام فتحت الباب ... تفضل >>> ومن غير نفس أقولها ....
ياخوي أنت وشهو ما تعرف الاصول اقولك من اليوم أفتح وشكلك ماتبيني >>>> اما مابي والله ودي أشوتك شوت لسيارتك طبعا في قلبي ....
رسمت على الفيس حقي ( وجهي ) أبتسامه لزوم النفاق الاجتماعي .... لاياخوي بس وانت تكلمني كنت منسدح >>> مدري شلون طلعت هالكذبه اللي ماتنترقع ....
منسدح عند الانتركم >>> خبيث لقطها المروح ....
يعني ماكنت منسدح بس كنت ابي !!! تفضل ليش واقف >>> احاول أرقع الموقف ...
لا ابي اروح أجيب اللاب توب حقي من السياره >>>> ايا التعبان اقول الجيه مهي لله .....
وش اللابتوب ياخوي أنا من اليوم مشغول وودي أنام !!! أقول شرايك تقلب وجهك ولا توريني فرتك >>> طلعت اللي في قلبي بس هالمروح ماكو فكه منه ....
قال ... ياخوي الله لا يشكر فضلك أذا تبي تروح تنام روح بس أفتحلي المشب وأنقلع روح نام >>> والله اللزقه يعني مافيك حيله >>> استسلمت .....
لا حيله ولا ميله انا تلفوني مقطوع ولا زم أدخل على النت اللحين >>> وجه ابن فهره هادلح ...
خير ماني خابر البورصه فاتحه بالليل >>> دابلن كبدي ....
. أي بورصه يابن الحلال إذا قلبك خضر مع أني اشك أنك تفهم حتى معنى هالكلمة أجلس معاي >>> ايا المنحرف الساقط الخبيث طبعا بقلبي .....
لا ما أفهم ولا ودي أفهم >>> ما هو من قلبي الصحيح أنه زاد فضولي شوي
... دخل الدكتور تسند على المركى وفتح اللاب توب .. ولا كأني موجود ..ز قلتله وأنا متنرفز وحاط على طخمتي ابتسامه كذوب ... شوف يالعربجي ، أنت منت كفو قهوه ولا عندي إلا الأيس كريم حق البزران تبي حياك الله ما تبي الله لا يهينك لا خلصت سكر الباب معاك >>> اللي في القلب يطلع ولو بعد حين ....
زيييين ززييين أي شي >>> الاخو مندمج ولاهو يمي ... حسيت ان الموضوع فيه شي رحت جبت الايس كريم وواجد عليه .. على فكره قبل تروحون بعيد ترى هذا صديق طفوله واعتبره مثل اخوي ولا ني بحبه ... عادي .. افكارنا غير ... ومبادئنا غير ... بس الميانه مرفوعه ....جلست وانا مسوي نفسي منشغل أطقطق بالتلفزيون وادري أنه يبي يجيب كل اللي ببطنه وما طولت ... قال ... والله ياعندي صيده بس كبيره عليك >>> أخص يالدون جوان .... ليش >>> مسوى نفسي ما ني مهتم .... وحده ولا هي أي وحده تعال شوف صورتها >>>> كمبيوتره فاضي مثل وجهه ...قلت ... هذي أعراض نا س يالحبيب أحترم نفسك >>> قاهرني ......قال ... تعال شوف وانت تخق يا بو القيم >>>> ...قلت ... اقول خلص شغلك وراي شغل >>> مسوي ثقيل ....قال .... تكفى فكني الليله سهاري ولا ني بنايم >>> حقير يجاهر بالمعصيه .... ياخي أتق الله في نفسك كلامك مثل وجهك بدون معالم ...... ههههههاااه >>> يضحك هالخبل .... كمل .... أقول ياشيخ علينا هالسوالف والله أن ودك بس الاسلوب ماش >>> جبان .. كمل ... تبي اقول لام العيال أنك تغازل >>>> كذوب
.... يا حسافه الخوف مقطعن قلوبكم >>> أخص يالبطل ..... صراحه سفهته ... شوي وهالشوي كنها دهر قالي ..... تعااااااال شوف الصيده دخلت فتحت الماسنجر >>>> الله ياخذ اللي سوى الماسنجر لهالشكال ..... تعال تعلم الاسلوب >>>> من جنبها ماهو فالح إلا فيذا الذيب البشري ...... شدني الفضول وتراكيت جنبه ... وأبي اخليكم مع الحوار الالكتروني :
صدى الحرمان :
مساء الخير حبيبي >>>> كبيره عليه
قصدي شريف :
هلا والله بأعز وأغلى إنسانه بالوجود >>>>> يلعن أم النصب
قصدي شريف :
اروحلك فدوه يالغاليه >>>> لا تعليق
صدى الحرمان :
ها شمسوي اليوم >>>> مغفله
قصدي شريف :
الا قولي وش صار فيني >>>> كل خير
صدى الحرمان :
وش صار >>>> حطت تنبيه قلب كبير بحجم ضياعها
قصدي شريف :
صورتك اللي ارسلتيها ... قلبت كياني >>> والله انا اللي لاعت كبدي
صدى الحرمان :
سلامتك .. حبيبي ياليته أنا ولا أنت >>>> ما ادري يضحكون على بعض
قصدي شريف :
اسمعي >>> جاد
صدى الحرمان :
قول حبيبي >>> قلت يمكن رجال
قصدي شريف :
أنا أتفقت مع الوالده أنها تروح معاي تخطبك >>>> يالخسيس أمه مريضه الله يشفيها
صدى الحرمان :
صحيح حبيبي >>>> على الريحه ما صدقت الدلخه
صدى الحرمان :
ياليت يجي اليوم اللي يجمعنا عش واحد >>> حطت صورة وجه يبكي
قصدي شريف : الخايس
يبي يجي .. صدقيني يبي يجي بس عطي علاقتنا فرصه تكون ناضجه >>>> الحقير
صدى الحرمان :
وش تقصد >>>> ابد يامغفله قصده عكس النك نيم حقه
قصدي شريف :
ما قصدت شي ... بس خلينا نعيش حلاة الخطوبه >>>> الخايس حسين فهمي
بصراحه اندبلت كبدي من الموقف كله وقبل لا أقوم واتركله الجو الخايس اللي عايش فيه سألته ... هالضعيفه وين حصلتها ... قالي بفخر .... تدور على معرس في موقع زوجتي كوم ...
اليوم الخميس وكل شي فيه حلو إلا سؤال واحد يدور في ذهني ... ليش في دنيانا ضحيه وجلاد ... وليش الضحيه دايما الطيب اللي يدور الحياه ... القصة صحيحه لكن الزمان والمكان غير صحيح
المقهوي ( مشاعر خميس )
العرض الشجري