جديدة الوطني ( مجرات الخفوق )

[الوطني]

إخواني وأخواتي الأعضاء

يزيدني شرف أن أطرح بين مسامعكم هذه القصيده الجديده والتي كتبتها اليوم

وأتمنى ان تجد الرضا والقبوووول

مع أملي بالتأني في قرائتها لأستفيد من آرائكم الغاليه عندي ....



[poem=font="Simplified Arabic,5,white,bold,normal" bkcolor="transparent" bkimage="backgrounds/10.gif" border="none,4,gray" type=2 line=1 align=center use=ex num="0,black"]
على وهج الغرام ولوعة ٍ من خاطر ٍ مكسور=تدامى طاري الذكرى على روحي وعذّبها

تهامل في مجرات الخفوق وطلـّع المستور=من أحزان الحياه اللي تولتني مصايبها

رحلت بعالمي أرجف من أيام الشقا والبور=أمنّي نفسي بضحكة غرام ٍ غاب صاحبها

أموج أحلامي والدنيا تموج ابداخلي تنور=وأسايرها وعيني بالرجا تقرا سحايبها

أحبه لو غدا بيني وبينه بالزمان ابحور=لأن روحي بروحه بالغلا تنشق هبايبها

جماله ما يفارقني وطيفه داخلي منثور=يعيّشني أماني من سنين الضيم ناصبها

وأنا داري عمر من يسكن ابتال الزمان اقبور= ماهو راجع ولو تعطي حياتك مع قرايبها

جداي أومي براسي لاذكرت اللي مضى من دور=وأعض اشفاي واعيوني تهامل في مساحبها

أقلّـب داخلي فيض العذاب وخاطري مكسور= وأداعب بالرجا روح ٍ تخااااوت مع نصايبها[/poem]