اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > القصــه والقصيــده

القصــه والقصيــده قصص الماضي وحكايات الحاضر

 
 
أدوات الموضوع انواع عرض الموضوع
قديم 11-06-05, 04:55 AM   رقم المشاركة : 1
أبو حميـــد
Banned
الملف الشخصي






 
الحالة
أبو حميـــد غير متواجد حالياً

 


 

قصة العدد (5)





شايب يقاله حمدان وهواوي ( قلبه خضر )

إذا شاف بنت تولع فيها وخاصة إذا جتك مزيونه

أول ماينطق به لسانه

ياويل قلبي ويلاه وش هالقرنوقه

وكانوا دوم ربعه يصيحون عليه

ماعاد بينك وبين القبر شي متي تعقل ياشايب الرحمن

و بيوم من الأيام فكرت بنت راعية مقالب

وعليها زين ماهو صاحي تقول للقمر ياشين زح وراك

وقالت في نفسها أنا وراي ما روح للشايب حمدان

واضحكه شوي واشوف ردة فعله

وراحت وسلمت عليه

وقالت :كيف حالك يا شايب

وقال : بخير بخير

وعطته ظهرها ومشت ولا إستأذنت منه

ولا حتي قالت له تأمرني بشي ياعم

وإنقهر الشايب من حركتها

وصاير يومي بيدينه كنه يكلم حاله

وطلعت معه هالأبيات :


[poem=font="Simplified Arabic,5,white,bold,italic" bkcolor="darkblue" bkimage="" border="groove,10,blue" type=1 line=0 align=right use=ex num="0,black"]

يا بنت خوذي خاطري وارحميني=لا تجرحين العود بعيونك السـود

غضي نظرك وغطي الوجنتينـي=لعل يومٍ جدد الجرح مـا يعـود

يوم انتهى مع مرمسات السنينـي=جتني صواديفه على غير مقصود

باول شهر عشره نهـار الثنينـي=حمدان مروا به على جنازة حمود[/poem]



ورجعت له البنت

وهنا كانت المفاجأه للشايب حمدان

البنت جيتها كلها عشان تجاريه بالشعر

وشايبنا مايدري إنها شاعره



[poem=font="Simplified Arabic,5,white,bold,italic" bkcolor="darkblue" bkimage="" border="groove,10,blue" type=1 line=0 align=right use=ex num="0,black"]

يا شايب الرحمن وينـك ووينـي=عزي لحالك قدمك الباب مسـدود

قلبك عطوف وجاه قلـبٍ متينـي=والبنت ما تشفق على مغازل العود

حبل الرجا مقطوع بينـك وبينـي=مثل الغليث اللي رعا قلبه الـدود

اقفى شبابـك والعـرب مقبلينـي=يا عود ما يرجع من العمر مفقود[/poem]


وإحترق الشايب من قصيدتها

واللي ولع فيه أكثر شيباته ( لعنبووك شيب )

ورد عليها :



[poem=font="Simplified Arabic,5,white,bold,italic" bkcolor="darkblue" bkimage="" border="groove,10,blue" type=1 line=0 align=right use=ex num="0,black"]
يا بنت صـدي بالعيـون الظليلـه=لا صد عنـك الله نهـار القيامـه

مالي ومالك يالفـروع الطويلـه=لو فيك من رسم البـداوه علامـه

يابنت مـا لـي بالثمانيـن حيلـه=اهدف كما تهدف على البير قامـه

اقفى شبابي والدهر شفـت ميلـه=يالله حسـن الخاتمـه والسلامـه

اعطيك موجز والبضاعـه قليلـه=واخذت لك من صافي الماء سنامه[/poem]


راحت الأيام والشايب مسكين سنه خذله معها

شايب وهي بنت

وإتمهزأ كيف أعطي شايب وجه

وبعد فتره مرته وسلمت عليه

وإستفزته وراحت وخلته

وإنفضخة مرارة شايبنا من الغبن

وقال أنا وراي مابين لها

إن الشيب جايها

وكل مرادي منها التحية



[poem=font="Simplified Arabic,5,white,bold,italic" bkcolor="darkblue" bkimage="" border="groove,10,blue" type=1 line=0 align=right use=ex num="0,black"]

يا بنت ما جاس الكبـر والخشونـه=وعادت شباب اليوم يجفل من الشيب

ياسرع ما وبلـك تمـزع مزونـه=يالفاتنـه يـا ام الثمـان الرعابيـب

يا بنت مـا بينـي وبينـك مهونـه=كلمة شرف نبي تحيـه وترحيـب

الله مـن عـودٍ ثقيـلـه طنـونـه=ينصاه راع المشكلـه والمواجيـب

على الكرم والديـن نفسـه حنونـه=تلقاه بالاجـواد شـرق وتغاريـب[/poem]


وأرسل الأبيات مع عجوز ووعدها بهديه لامنها سلمتها هالأبيات

راحت العجوز وعطتها

وقبل تمشي العجوز إقضبتها البنت وسكرت عليها غرفه

وقالت ماتروحين وإلا الرد معاكي

العجوز مسكينه قالت طلعيني

ولابي منكم شي الله لايعودكم أنتم وأوراقكم

وردت البنت بأبيات أقوى من الأوله

تخلي شايبنا ماهو تنفقع مرارته إلا يموت مكانه



[poem=font="Simplified Arabic,5,white,bold,italic" bkcolor="darkblue" bkimage="" border="groove,4,royalblue" type=1 line=0 align=right use=ex num="0,black"]

العود عود وطايحـاتٍ سنونـه=من كثر ما يرقد على جرة الذيب

عودٍ مهرقل والعرب ما يبونـه=ياعود ما لك في طويل المراقيب

اقفى شباب العود راحت حتونه=مثل اليتيم اللي بكا ما له مجيب

جداه ينثر دمعـة ٍ مـن عيونـه=غريق موجٍ ما لقا له مقاضيـب[/poem]


==========
ياحليكم ياشيبانا الأولين أكلتكم الأرض
الله يرحمكم ويسكنكم فسيح جناته
هالشيبان الأولين مايتعوضون ولاعرفنا قيمتهم إلا بعد مافقدناهم
وأنشهدنهم إصدقوا يوم قالوا عنا ( جيل هبهب ) أمزح







قديم 12-06-05, 01:04 AM   رقم المشاركة : 2
فواز الشمري
مشرف سابق
الملف الشخصي






 
الحالة
فواز الشمري غير متواجد حالياً

 


 

ابو حميد

مبدع منتديات حفر الباطن

اشكرك جزيل الشكررررررررررر على ابداعك

يابعد حيي







التوقيع :
متى ...؟

 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:00 PM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم