[a7la1=99FF66]الصبحي[/a7la1]
ابن راجح ـ نقاد القهوه
ابن راجح ( نقاد القهوة) الذي يضرب به المثل في نقد القهوة
ولاكن أنشغلت أو بمعنى أصح تماهنت
واليوم راح أكتبها بأذن الله وهي كالتالي:
القصة تقول أن صنيتان بن راجح شيخ قبيلة البدارين من بني عمرو
كان في مجلس عبيد بن رشيد وصبوا القهوة القهوجية وداروبها
على الرياجيل لاكن ابن راجح لم يأخذ الفنجال
فرأه ابن رشيد قال:
ورا ما تشرب فنجال القهوة يابن راجح
قال ابن راجح: مالي فالقهوة طال عمرك
قال ابن رشيد: والله أن تشرب القهوة والا تعلمني وش فالقهوة
قال ابن راجح: أعلمك إذا عطيت القهوجي الأمان
قال ابن رشيد: وهو آمن
قال ابن راجح: قهوتك صايدة
فأمر بان رشيد على الخدم ونثروا الدلال المباهر
وصبوها من جديد فرفض ابن راجح اخذ الفنجال
قال ابن رشيد نثرنا الدلال الأوله , قال ابن راجح بلاها فيها
قال ابن رشيد جميع الدلال نثروها بما فيها الدلال القماقيم
ويوم نثروها وهو يطيح( شبث )
قال ابن راجح: اشرب مرق وانا ابن راجح ( وهي كلمة مشهورة عند الحروب)
وقد قال قصيدة احد شعراء شمر والذي كان حاضر السالفة , يقول:
[a7la1=CC3300]يستاهل الفنجال شارب صنيتان...... اللي يبـين ما خـفي مـن عـيـوبه
من شـمته يعرف عيوبه كحيلان...... والناس من حوله حشى ما دروبه
ابن رشـيد عـبيد يشهد وسبهان......واللي حضر هاك النهار اشهدوبه[/a7la1]
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ