[frame="3 80"]السلام عليكم ورحمه الله وبركاته
مكرمة ومكرمة الله يجزاه خير ابو المكارم
بس ماتلاحظون ان هالمكرمه عاديه مايحتاج كل هالتضخيم
وش يعني اسبوع عطله وش يعني 15% زيادة رواتب وبالمقابل سوق الاسهم تصدر اوامر ولا تنفذ الى الان
منها القرار الذي يقول ان الحكومه ستضخ اموال عند النزول للمؤشر وحساب مخصص ان لم تربح فراس مالك مضمون
وين مكارمك يابو متعب
ليه مايصير مكرمه توزيع اراضي لذوي الدخل المحدود بدل هالصحارى اللي حتى صيد الضبان فيها مخالف لاانظمة الدولة
مكرمه مكرمه الى متى هذا التخلف كأن حنا مقيمين على ارض السعوديه ونحن نسكنها قبل ان تسمى بالسعودية
المكرمة اللي ماتسعد الشعب ويحس فيها الصغير والكبير تسمى استثناء عن القانون
المكارم كثيرة ويعرفون وين الحكومه لكن شئ فيه فلوس انسى يامواطن
شئ يكلف الحكومه مثل توظيف وصندوق الفقر الى الان ماتفعل واهل الشميسي وغيرهم ينتظرون مكرمتك يابو متعب
المجلس الاعلى لرعايه المعاقين من رمضان 1421 الى الان وهو ينتظر مكرمه التفعيل للامر السامي
للاسف وتقولون مكرمه
مكرمه اسبوع غابو الطلاب تقولون مكرمه ولا مادامو الموظفين
ليه ماتكون مكرمه الدوله تطالب الشركات الضخمه بتوظيف السعوديين بدل من تسريب الاموال الى الخارج
مكرمه لبنان تروح بسرعه البرق ومكرمه جيزان تحتاج الى الدراسات والبحوث
شئ في بالي قلت اكتبه واريكم حقيقه المكرمات الوهميه فلا تفرحون كثير
والحمدلله على السراء والضراء
ولكن هناك سؤال لكم ماذا تحب ان تكون المكرمه القادمه أو ماذا لو كنت أيها العضو او يالله بنقول انتي ايتها العضوه
خادم او خادمه للحرمين الشريفين ماذا هي المكرمه التي ستصدرونها للشعب السعودي
شكرا مقدما للجميع
جنتل حرب 
[/frame]
العرض العادي
