بسم الله الرحمن الرحيم
والصلاة والسلام على سيد الخلق
اما بعد
من الحرقه اللي فيني ابي اكتب بالعاميه اسمحوا لي
قلت ابي اتسوق
وين اتسوق كل المحلات غاليه ما في غير (سوق الشارقه ) الرخيص الله يرزق صاحبه المصيبه الي تحط على راسه تبون تقولون تعصب ايه تعصب محل بوسط حفر الباطن له سمعته ومكانته في الحفر حاط (مجسمات عاريه ملبسها مايوهات وستيان ) عيني عينك ورافعهن فوق المكيفات يا مراهقات شوفوا يا مراهقين شوفوا . هذا الي نقص يكتبه عليهن بعد
عصبت احترق دمي ناديت .............. قلت شنو هذا شال مصخره هذي (قال ) تبي تشتكي روح اشتكي ما تبي تشتكي كلم صاحب المحل موجود بالامارات ويقولها مستهزءا ويضحك
قمت ونزلتهن من مكانهن ورميتهن بالارض وقام يصيح المفسد مو عاجبك روح اشتك كأنه يتكلم عن حادث او عن عملية نصب مو حاط بباله ان اللي عارضه مصيبه تجر الي مصايب اعضم حذفتهن بالارض كلهن
وطلعت من المحل ورحت للهيئه واشتكيت (المركز الموجود خلف محطة الصيعري ) وقالوا لي انهم اتصلوا على مركز السوق واخبروهم وانهم الحين يروحون للمحل قلت لنفسي خلني اشوف .............. شالهن ولا لا ورحت وناظرت ولا حاطهن وبكثره كانن خمس صارن اكثر من عشر وقلت خلني اروح بنفسي لمركز السوق ورحت واشتكيت واوعدوني انهم يروحون ويكسرونهن
المصيبه هي
وين العوايل وين الرجال اللي تتسوق مع حريمها من هالمنظر من هالمجسمات من هالمصايب ولا حتى الغيره راحت يلعبون علينا هالعماله يبون يفسدون اخلاقنا والا عمل الامر بالمعروف والنهي عن المنكر مقتصر على رجال الهيئه لا يا عالم لا يا بشر لا تسكتون . قال رسول الله صلى الله عليه وسلم
(من را منكم منكرا فليغيره بيده وان لم يستطع فبلسانه)
والعامل هذا يقول روح اشتك
وينكم من الحديث هذا وين الغيره الاسلاميه
لا حول ولا قوه الا بالله
غيور على ديرتي
عبد العزيز الحبلاني