خاص لناجي الحفراااوي

[نورة 14]

[align=center]

اقتباس: المشاركة الأصلية كتبت بواسطة ناجي الحفراااوي    والله ياغالي المشكله انه ادمان انا واحد من الناس مقدر اتركه حاولت لكن بدون فائده والمصيبه اني اشرب باليوم تقريباً من 5 إلى 7 علب تقريباً

[/align]

[align=center]
بما أن نائبنا الغالي / ناجي يحب الببسي وماهو ناوي يتركه

هذاني مختاره قصيده بهذه المناسبه [/align]

[align=center]
(البيبسي) هذا سعــوط المجـــانين

الـــبارحه طــرت عــلى الطــواري



شــوي واحـرر قضـية فلــسطــين

بين الهموم امسيت بايع وشاري



من هاجس ياخذ بي يسار ويمين

لادق بـي دقــيت سلف الســفاري



وغنـيت له ياعـين يالــيل ياعـين

ولايشفي السهران والليل ساري



الاانت يالبيبسي سعوط المجانين

تقطع ضرم راس على العز ضاري



حــرام فيــك ريــال ولا ريــاليـــن

مفـرض هــذا للعــصير التـجاري



اللي مايشرونه يكود (الوراعين)

ماني بقـايل من شـربك انتحاري



اقول مامثــلك خــوي على الدين

لولاك والله ماطــلبنا البخـــــاري



ولا ضربنا الخمس بعد العشاوين

اربع قواطـي لي ولا ابومشاري



والحـــج متولي ومدحت حسنين

اللي ليا شــــانت وجيه الغداري



وشان الزمان وميلن الموازين

يرسون لاجاء فالدعاوي مواري[/align]



[align=center]ان شاء الله تعجبه وتعجبكم [/align]

[خــ ج ــل]

واااااااااو اكيد بتعجبه مادام جبتي طااري الببسي,,,

شكله من يشوف هالشعر يروح على طول يشرب له واحد والثاني بالجيب هع

[ناجي الحفراااوي]

حــرام فيــك ريــال ولا ريــاليـــن

مفـرض هــذا للعــصير التـجاري


.

.

اي والله بس المصيبه تعودت عليه النفس يانوره

حاولنا نبتعد عنه مقدرنا

بس على القصيده انا اشهد انه يبيلها ثلاث علب بيبسي جديده

شكراً على النقل..

[نورة 14]

اقتباس: المشاركة الأصلية كتبت بواسطة خــ ج ــل    واااااااااو اكيد بتعجبه مادام جبتي طااري الببسي,,, شكله من يشوف هالشعر يروح على طول يشرب له واحد والثاني بالجيب هع

وأنتي الصادقه خجل

بدل الواحد عشره

شاكره لك تواجدكِ الجميل

[السهم]

اتوقع هالقصيده ماراح تعجب ناجي

لان الشاعر يقول مايشربه الا المجانين والوراعين

لو انا منك ياناجي بعد هالقصيدة اطلق البيبسي بالثلاث

[نورة 14]

اقتباس: المشاركة الأصلية كتبت بواسطة ناجي الحفراااوي    حــرام فيــك ريــال ولا ريــاليـــن مفـرض هــذا للعــصير التـجاري . . اي والله بس المصيبه تعودت عليه النفس يانوره حاولنا نبتعد عنه مقدرنا بس على القصيده انا اشهد انه يبيلها ثلاث علب بيبسي جديده شكراً على النقل..

حجي ناجي ان شاء الله نسمع مع الايام أنك بطلته

شاكره لك تواجدك العطر

[نورة 14]

اقتباس: المشاركة الأصلية كتبت بواسطة السهم    اتوقع هالقصيده ماراح تعجب ناجي لان الشاعر يقول مايشربه الا المجانين والوراعين لو انا منك ياناجي بعد هالقصيدة اطلق البيبسي بالثلاث

أخوي السهم


المهم أنه يبطله

شاكره لك تواجدك الرائع