منه فهو خسران بمثلك نعتز ونفاخر فيك ويكفيك دعواتنا
لك بأن ربي يحميك ويحفظك من كل شر
،،
انا كل ما ابي اسافر والله اشوف توقعاتك وفعلاً كرم ونعمه
وفضل من رب العالمين لك. تكون توقعاتك صائبه ،،
واي موقع بتتركه احملك الامانه ان تخبرنا ولو بالرسائل البريديه
لكي نكون معك بأي موقع ترتاده لأنك أخ بحق وحقيقه.
وخيتك ؛
نجمة سهيل
مافيك قصور خيتي نجمه وبيض الله وجهك والله يحفظك يارب وين ماكنتي احسن الله إليك يالغاليه
اقتباس:
المشاركة الأصلية كتبت بواسطة تركي الحرربي
ماشاء الله دائم توقعاتك صائبه ولا عليك من اللي يسبونك واصل
تحياتي لك اخوي تركي الحربي وكل عام وانت بخير وبارك الله فيك على كلامك الطيب .
اقتباس:
المشاركة الأصلية كتبت بواسطة محمد الاسلمي
الاخ تركي الوايلي
انا قريت الموضوع اكثر من مره وكل ماجيت ابي ارد اقول
ردي ماهو مقدم ولا ماخر بنسبه له لاني عضو جديد
بس الحقيقه انا مطلع لي اكثر من ثلاث سنوات
ومن القهر قلت بعلق على الموضوع من باب الامانه
اخوي تركي
انت رجال ونعم فيك من طرح للمواضيع وهي من كتاباتك الخاصه
والقسم هذا انا ادخل على شان اقراء مواضيعك من فتره طويله
ولا هو قصور في الاعضاء اللي موجودين
بس القهر يجي شخص يحاول يقلل من طرحك
وهو اصلن مايعرف يكتب رد لا
والمقصد معروف اخوي تركي
اذا انت ماعرفة المقصد ولا الاداره انا اقولك المقصد
من توقعاتي
بكل سهوله يبيك انت توقف عن الكتابه على شان القسم يقل الاقبال عليه
والاعضاء اللي يرتادون للقسم هنا يدورون لهم منتدى ثاني
الاخ تركي الوايلي
استمر على ما انت عليه
ولا تطالع لمثل الحشرات هاذي دوس عليها وانت ماشي
لك مني كل الاحترام
حياك الله اخوي محمد الاسلمي بدايه ارحب بك بمنتدى عاصمة الربيع واهلا وسهلا بك ياخوي الغالي وكل عام وانت والعائله الكريمه بخير وعيدكم مبارك ان شاء الله دوماً وابداً والصراحه من ناحية رأيك يعلم الله ياخوي محمد اهم شيء ان تكون توقعاتي والذي اضعه هنا لكم ان ينال على رضاكم وبالاخير تبقى توقعات تصيب وتخطيء وجلء من لايخطيء والله القادر على كل شيء سبحانه كذلك لايهمني من ينتقدني بكل الاوقات واحب ان اقول للمنتقد لي لن ولن ولن يمنعني من ينتقدني او من يكرهني من ان اضع التوقعات بمنتدى عاصمة الربيع الا الله سبحانه وتعالى وتوقعاتي التي اضعها هنا هي توقعات خير اخبار امطار وعلوم طيبه في احد مايحب هذه العلوم !! اللي مايحب خير ربي وعلوم الامطار والربيع والفقع هذا مع احترامي ماعنده مشاعر ولا احاسيس هذا غيث هذه رحمه من الله سبحانه وتعالى النفس وحدها تنطرب يوم تشوف وتسمع الامطار وتجيك النفس شواقه من مكان بعيد ويقطعون مئات الكيلوات بس علشان يشوفون الامطار والربيع والعلوم الطيبه وانا يامحدثك اقطع مسافات ايضاً بس علشان نشوف الامطار ونجيب اخبارها ونوسع صدورنا بشوفتها ,, هذا وكل عام وانت بخير اخوي محمد وكلامك وسام على صدري يالغالي .
اول شي كل عام وانت بخير وتقبل الله طاعتك. ثانيا يعلم الله أني من المتابعين لتوقعاتك وتحليلك الفلكي وهنيئا للمحافظة والمنتدى بالفلكي تركي الوايلي. والي الامام ياجبل مايهزك ريح . تقبل مروري@-@
عيدك مبارك اخوي تركي وتروح وتجي بالسلامة ان شاء الله
شوف أخوي تركي كل انسان معرض للخطأ حتى حسن كراني كان يقول الحرارة بكرة 35 درجة بينما أشوفها العصر بالسيارة 50 !
ومجال التوقعات من أسمة توقع قد يصيب وقد يخطىء واحتمال الخطأ فية كبيـــــر..
وبالنسبة للأعضاء اللي يغلطون عليك بشكل غير مباشر ..لاتأخذ الامور دائماً بجديةّ يعني قول يمكن ما يقصد ..
واذا كان يقصدك بشكل مباشر هذا الافضل انك تتجاهلة ولا تعطية أكبر من حجمة وبالنهاية هذا رأية ولا بد من احترامه..
ويمكن بعض الاحيان أنا (لزام) أتكلم بنية صافية والبعض يعتبرني ما احترمة أو منتقصة أو يسفة في مو بس بالمنتدى ..و أواجهها دائماً مع ناس أعرفهم أو لا أعرفهم ..بس المهم عندي اني أقول رأيي بصراحة وبدون أي تحفظ ..
أنا دائماً اذا رأيت خبر بالمنتدى أتعقبه وأشوف مصداقيته ولكن بكل أمانة الاخبار اللي مصدرها تركي الوايلي موثوق فيها وبدون مجاملات((أصلا ليش المجاملات بيني وبينك شاشة كمبيوتر)) ..
لايهمونك بالعكس الاعضاء يفهمون اللى يحاربونك لانك ناجح وهم فاشلين بس لا يكبر راسك علينا بعد موضوعك هذا << يمزح يمزح ههههههه ياتركي لو كل واحد ناجح ألتفت للي يقلل من ناحجه لما نجح احد ووصل الى القمه ومن الان نبي نشوف امثال هؤلاء ونعرفهم على حقيقتهم وضربة قويه طرح موضوعك