اشكرك يااخوي الشعبان وجميع اخواني والله انكم ماقصرتوا وبيض الله وجيهكم والشكر موصول لحبيبنا الفارس وما قصر علي الشرح الوافي وليست هذه بغريبه علي طيبين القلوب اللي مثله وشرواه دمتم بصحه وعافيه واكرر شكري لكم
اخواني اعضاء منتدانا الغالي اصابني برد وذهبت الي الاطباء ولا فيه فايده فقال لي واحد هذه خشه وعلاجها الكي فهل كلامه صحيح واين محل الكي ومن يعرف طبيبا شعبيا خاص بها .
دمتم بود
لحظه يااخ قبل تبدا
سوي عرقه
خلهم يحطون ماي بقدر ويفورونه ع النار
ويفرشون لك فراش بالارض
وبطانيه ثقيله ويجيبون الماي عندك
يحطون فيه ملعقه صغيره فكس فابوراب
وتحط وجهك عليه وتغطي ببشكير
وتتنفس فيه عشان يطلع الهوا بوجهك
خلك 5 دقايق او قد تحملك
ولاترفع البشكير ابد
خله ع وجهك وانسدح
وتغطا بالبطانيه غطي وجهك بعد ونشفه بالبشكير وانت تحت البطانيه وتنام ع طول وانت مغطى
بدون مكيف ولا مروحه وتقوم ان شاء الله حصان
وادعي لنا