هلا
يا بنات ما تصدقوا اي واحد شوفوا الاكاذيب واحكموا
الموضوع ترفيهي لكنه من الواقع
1- حبيبتي تدرين والله ما عندي حركات الشباااب ... ما أكلم بنات!... أصلاً ما أحب هالحركات!...
((مبين وانت كل بنات العالم يعرفونك ))
2- ما أدري حبيبتي أحس إني أعرفج من زمااااااان!
((لا يمكن غلطان في بينها و بين الي كنت تعرفها قبل شبه))
3- حبيبتي أحس انج غير عن كل البنات!.. أحس إنج مختلفة وغير عنهم!...
(( ليش فوق رأسها ريشه ولا من كوكب ثاني ))
4- حبيبتي والله أحس في أشياء وايدة أنا وانتي نتشابه فيهااا .. كأننا شخص واحد!...
(( سبحان الله أخوها في الإسلام لازم يكون في شبه ههههههههه))
5- ياريتني يا قلبي عرفتج من زمان!...
ما عليه كان عندك زحمة ))
6- حبيبتي انت تآمرين قلبي أمر... كل الي تقولينه لبيه!...
((في الأحلام أكيد))
7- حياتي أبيج تتغطين عشان محد يشوفج...لاني اغااااااار!...
((لا ياحرااااام الغيرة حرقت قلبك حرق))
8- بيي بخطبج من أهلج بعد ما أكون نفسي!...
(( عشان تكون نفسك هههه بس صح تكسر الخاطر فلوسك كلها على الجوال والسيارة وعزايم الربع ))
9- يا قلبي أبغى أشوفج في أقرب وقت...ما أقدر على الشوق اللي ذابحني!...
(( يبغى ربعه يتأكدون إنها حلوه ))
10- أنا أحب الشعر ومن هواياتي الرسم والسباحة!...
(( لا رومنسي الحبيب ))
11- حبيبتي حطي في بالج أنا إذا حبيت احب من قلبي!...
(( أقول بس أي قلب فيهم؟...))
12- علاقتي فيج محد يدري فيها أبد لأنها من أهم خصوصياتي!...
(( بس عاد كل ربعه يدرون...لأنهم مو أي أحد ))
13- شكلي حبيبتي راح اطق لي جاكوار من الوكالة!...
(( إذا مو هوندا موديل76 من الجراج ))
14- دايما اشتري عطوري من تناغرا!...
(( الحمد والشكر لله ))
16- لما أشوف رقمج في جوالي قلبي ينط من مكانه!...
(( أكيد خايف أكون كشفت ملاعيبك ))
17- فلان قال لي أعطيه رقمج... بس أنا قلت له اقتلني قبل لا تاخذ رقمها مني!...
(( هههههههه يا مظحي إنت يا شجاع...هذا إذا مو كل الشباب يعرفون رقمها المسكينة))
18- حبيبتي أبغى صورتج علشان قبل ما أنام أتاملها وأحلم فيج!...
(( وانت الصادق علشان لمن تمل منها تهددها ))
19- آسف حبيبتي أمس ما اتصلت فيج كنت مشغووووول مع الدراسة!...
((مبين يا نيوووتن انته ))
20- تدرين حبيبتي دايماً البنات في المول يطلبون رقمي ... بس أنا ما عطيهم ويه دام انتي حبي!...
(( هاهاااي .. الترتيب الصحيح للجمله .. دايماً أنا الحق البنات بس ما يعطوني ويه ))
21- والله حبيبتي كان ودي ايي عالموعد اليوم بس صارت ظروف صعبة جدااا وماقدر اجيج!...
(( ايه صح تذكر موعده مع خويته الثانية اللي واعدها 10 مرات وخلف وعده))
22- أمس مانمت... طول الوقت أفكر فيج... اخذتي عقلي حبيبتي!...
((الا قصدك نمت وحلمت وشبعت نووم ولا تدري عنهاااا اصلاً ))
23- انتي أحلي بنت شفتها بحياتي ماظن ألقى أحلي منج!...
((ليش متعرف على ملكة جمال الكون ونحن ماندري ؟؟ ))
24- الظاهر بشتري كمبيوتر يديد... كمبيوتري صار له شهرين معاي وكمبيوتر اخوي مايعجبني والكمبيوتر الثاني ماتأقلمت معااه!...
((مشاا الله وكالة كمبيوتراات ... اراهن بعمري على انه كمبيوترك جديييييييم من العصر الجاهلي وماعندك غيره كل ما اخرب صلحته ))
25- ما افتح الماسنجر الا اذا انتي موجوده ... أصلاً النت بدونج مايسوى!...
((يقصد .. ما فج عنج البلوك الا بعد ربع ساعة من تدخلين ... وترى النت بدون البنات ما يسوى ))
هههههههههههههههههههه
فهمتوا يا بنات ديروا بالكم عاد