وجه الغلا
ان شاب وجه الشعر واحتاج عكازه --- لي خبرة ًتسند ابياتي وتحميني
قليل من مات وعاش اسمه على انجازه --- وكثير من عاش وشعره ماملى عيني
حققت درع اللقب واستاهل احرازه --- من فكرتي قامت امواجه تحييني
الشعر له بالهوى عشاق معتازه--- وانا رصيدي من الجزلات يكفيني
القلب ينبض بيوت الشعر لعزازه ---من طيب وصف الغلا طابت دواويني
صورت وجه الغلا والقاف بروازه --- وخذيت من رسمته نسخه تخاويني
كل القصايد غلا له دوم منحازه --- والشوق قد الوفا في حسبة اسنيني
غلاه عدا حدود الشعر والغازه --- تبطي بحور الشعر عن وصف مافيني
يموت شاعر . وشاعر طاح عكازه --- وانا بعد موتتي لي حرف يحييني