[poem=font="Simplified Arabic,6,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه كان القصيد أقسى من أيام الجفاف = وأنتي على بالي ولا غبتي وموجودة هنا
بين الجوانح في زوايا القلب وقصور العفاف = مثلك ومثل الروح بس الروح يلحقها عنا
يا غالية وأن كان ماتدرين فعلاً ليه أخاف = أنا عليك أخاف ماهو منك يا قلبي وأنا
من كثر ما أشوفك بداية عمر ونهاية مطاف = أيقنت بأن أكثر ورود الكون مخلوقه لنا
وأنا لو أني ما عرفت الخوف ما عشت الكفاف = ولا عرفت أن الليالي حزن ووجودك هنا
يا غالية لا تسألين الموج عن ملح الضفاف = أيضاً ولا تنسين يوم الموج شاله وش جنا
الموج يضرب والبحر لاهاج ما يرجع خلاف = مثل النتايج في الحروب أما فنى وإلا فنى
خوذي كفوفي ياكفوف الشوق ما دامت نظاف = من قبل لا تطغى وتغيرها المدايح والثنا
هي هكذا الدنيا وفيها الحب صدفه وأكتشاف = وأنا الظلام يلفني وأحتاج من نورك سنا
مثل الندى فوق الغصون المورقه فعل ومضاف = لولاه ما كان البراد يهب والغصن أنحنى
لا يذهلك خوفي ترى خوفي من الحب أحتراف = وإلا الشجاعه ما تورث غير بسيوف وقنا
أبطيت أعاني والشعر يسمع ولكن ما يشاف = مثل الممات إليا أبتعد من شخص للثاني دنا
مشكلتي أني معك ما أقدر ومحتاج أعتراف = حتى أتقدم وأفرد لك ضلوعي وأشيد لك بنا
أن جيت جيت ومابقى للحزن في وقتي جفاف = وأن رحت رحت بحسرتي وأنتي ولا كنك هنا[/poem]
[align=center]عبدالله ذويبان .. [/align]