ابستفسر

[RayQ]

السلام عليكم ورحمة الله وبركاته

ابي أسئل عن اسعار الحطب وين الأحسن وكم سعره

[نظر عيونها]

مااعندي فكرره بس ان شاء الله الاخوان يساعدونك

تحياتي

[لزام]

الاحســـــن أكيد حطب السمر ..

بس أمس أشوف اخوي جايب حطب غريب عجيب مدري وشو لاريحة ودخان وشبتة ع كيف كيفك من صلاة العشاء ليـــن قال الله وأكبر الفجر ..تعال مرنا بالمشب وتبي تشوف صدق كلامي بس هاااااه أم شيء لاتكون بالمباحث لأن سوالفنا كلها سياسية مشفررررة ويمقن فيها إعدام

[RayQ]

امدحولي السمر بس وين احصله وين ينباع

[تركي الوايلي]

احسن شيء بالحطب هو السمر وهو اغلى انواع الحطب
وتجدهـ بالقرب من سوق الغنم

وبالتوفيق لك .

[حفراوي2010]

اقتباس: المشاركة الأصلية كتبت بواسطة RayQ    امدحولي السمر بس وين احصله وين ينباع

حطب السمر تلقاه في نفود الثويرات اخذ الددسن واشحنها على كيفك

[تركي الوايلي]

اقتباس: المشاركة الأصلية كتبت بواسطة حفراوي2010    حطب السمر تلقاه في نفود الثويرات اخذ الددسن واشحنها على كيفك

ادفع الف ريال
ولا اتعب نفسي واروح للثويرات
واجواء بارده لاترحم

[COOD909]

اقتباس: المشاركة الأصلية كتبت بواسطة RayQ    السلام عليكم ورحمة الله وبركاته ابي أسئل عن اسعار الحطب وين الأحسن وكم سعره

والله فيه محل عند اشارة الحراج عنده جميع انواع الحطب الي تبيه واسعاره كويسه ومناسبه انا من فترة 3سنوات اذا جاء البرد اخذ من عنده بعدين الحطب اللي عنده قديم يولع بسرعه ومكانه طال عمرك اول ماتاخذ يمين تبي الحراج من عند الاشاره فيه بقالة باكستانيه وفيه فوال هو على طول جنب البقاله محله ماهو واضح بالحيل

[الحوسي3]

تلاقاة عند محطات البنزين