يويلي السلفيه انزلت

[kkmcw]

بيت دورين سلفيه فلسيه ..!
تفليسيه .
نعم بيت دورين ... أو فيلا سكنيه .
هاااا قد وصلني نتاج صندوق التنميه العقاري بعد عمر طويل !
والله وجاء الموعد المنتظر
ونزل اسمي .


سلفيتي .. سلفيتي
تفليستي .. تفليستي
ههههههههههههههههه
...
أنتظرت كأي مواطن سعودي منتف
ينتظر سلفة أو سلفية بنك التنميه العقاري ؟
أي سُلفه !!
هي سلفه واحده تبني لي بيتي ؟؟
لا ... وألفُ لا...
بل هي سلفيات وتسلفات ووعدات .. وديوووون
أد السماء .
...
في بداية المشوار كيف تحصل
على أرض سكنيه ؟
أكيد بالقطاره ... ومن عُنق الزجاجه ... وبأقل من مهلك ... ستصلك
قطعة أرض بعد أكثر من عقداً من الزمن ,
ويزودونها حبتين لين تكمل سن قانوني خاص بالبلديات ؟
يعني أنا أحس بسعوديتي لما والدي يخلص لي
بطاقه وهويه من الأحوال المدنيه في السادسه عشرمن عمري.
لكن البلديه ترفض ألا ...السن القانوني حقهم , يعني مايحق لك تتقدم بطلب قطعة أرض ألا بعد حصولك ع الهويه بكم سنه
يعني ( تتمرجل ) شوي !!
مايحق لك تتقدم لطلب في تراب وطنك وأرضك
بعد عقداً من الزمن ربما يكون لديك صك أرض سكنيه !!
لو أنت تاجر تعطيك البلديه فوراً .. أقل شيء تستأجر !
ولو زريبة أو حوش غنم .. ماتتأخر
كثر مايتأخر سكن البشر !
والله مصيبه يازمن شوف الأحكام
بالهم نرضى مارضى الهم فينا
...
هنا عاد تبداء القطاره صحيح
تتقدم للصندوق العقاري
والله ألا تجلس وتجلس وتمل وتمل
لين الملل يمل !
لما تبلغ من العمر عتياً ستصلك
( ثلاثمائة ألف ) ريال
على شكل دفعات .
أول دفعه ونقمه وحرج وفتنه
( ثلاثون ألف ) ريال
وش تسوي فيها أول دفعه ؟
لابد من خلالها أن يقوم بيتك عظم !
والظاهر مايقوم عظم

ألا ... لين تبطي عظم !!
وهالجمله يقال : أنها
أُشتقت من البطأ
في قيام البيت عظم .
( ثلاثون ألف ) ريال
بالله وش تجيب ياصندوق التنميه ؟

حديد .. خراسانه .. طابوق .. مقدم مقاول .. حفر .. دفان .
لا ... ستظطر إلى أن تقترض من أحد البنوك ..!
وربما تمر تويوتا ... وشريطية التقسيط
لكي يقف بيتك عظم !!
وينكسر لك عشرين عظم !
يعني سالفتك وحوبة هالبنك العقاري
شربكوك بدنيا التقسيط
...
بالتالي تطلع شاب سعودي منتف !
تطلع مطلوب من الجميع ومنتف صحيح .
ستغيب عن الناس
عمل جاد ومتابعه مع المقاول
وتلقاك موزع الرويتب
هذا إن لم يكن كذلك رويتب
أم العيال كانها موظفه ؟
ويالله تعين الناس
...
هالعقار ي إذاه خايف منك ومو ظامن حقه !!
ويخاف أنك تلهف
القرض الأول ...
ليش مايوفر لك الحديد أو الخراسانه بفواتير
أو شيكات أو أي طريقه يضمنون فيها حقوقهم ؟؟
فالثلاثين هذي بالله وش تسوي ؟
...
تاتي آخر مراحل البناء والعمار
وتستلم آخر دفعه
وتعزم القرايب والجيران والمقاول .
وتجيك الأقساط من جديد
لكي تعرف إنك سعودي منتف
واللي ينتفك هالمره
أفغااااااااااااني الأثااااااااااااث
أعان الله الجميع

[هجمة عكسية]

الله يعطيك العافية

ويعين المواطن السعودي

[kkmcw]

يسلمووو اخي هجمه عكسيه
ع تفاعلك

[تركي الوايلي]

[align=center]ياصخامي وقرداه قل هههههههههههههههههه


عزالله انك صادق يالنشمي فيما كتبت اعلاه

قرض 300 الف مايسوي شيء الان للي يبي يعمر منزل العمر وراح يحط فوق الــقرض 100 زود على الاقل علشان الواحد يعمر منزل زي الناس

ولكن الله يعين

تحياتي لك عزيزي . [/align]

[alfaisal]

الله يكوووووون بعووووون الجميييييييييع

[حور]

ياناس واللة سمعت انهم بزودونها
من 300 الى 500 واللة انى صادق

[kkmcw]

السالفه هذي سمعنى فيهاقبل عشر سنوات وللحين مادخلت مجلس الشوراء
يعني يبغالنا خمس طعشر سنه هههههههههه
وتنعرض ع المجلس وعدها بكم سنه يطلعلك واحد من المجلس يعارض عليها ويقول ليه 300 اصلا
250 تكفي
والله لتبطي عظم هههههههههههههههههههه

[kkmcw]

اقتباس: المشاركة الأصلية كتبت بواسطة kkmcw    السالفه هذي سمعنى فيهاقبل عشر سنوات وللحين مادخلت مجلس الشوراء يعني يبغالنا خمس طعشر سنه هههههههههه وتنعرض ع المجلس وبعدها بكم سنه يطلعلك واحد من المجلس يعارض عليها ويقول ليه 300 اصلا 250 تكفي والله لتبطي عظم هههههههههههههههههههه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟