[poem=font="Simplified Arabic,4,black,normal,normal" bkcolor="skyblue" bkimage="" border="none,4,gray" type=0 line=0 align=center use=ex num="0,black"]
يا قلب وش غيرا لقصايد يسليّ = الله وكيلك ما معي ما يسليك
اجنب عن التفكير خله يوليّ = ما من ورى التفكير غير التهاليك
يقوى على التفكير قلب زهلّلّي = والا وانت لا هذي,, ولا ذي,, ولا ذيك
شف من ورى التفكير اش اللي حصل لي = باسباب تفكيرك عسى الله يعافيك
الله عن التفكير زين التخلي = ترتاح يا قلب,, وتريح محاكيك
ولـّت سنين العمر بالله قل لي = وش سار في مستقبلك بعد ماضيك
يا قلب ما للقفز غير المظلي = اما انت وش تقفز له الله يخليك
خلك محلك,, خلني في محلي = خلك تواسيني بهمي واواسيك
كم قلت لك يا قلب حظي مجلي = تركي على حظي وحظي مجافيك
هذي سواة الحظ يا طير ياللي = متعلق فيني ومتعلق فيك[/poem]