[poet font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
اسألوها و الـذي كمّـل حلاهـا=ليه تبكي و الكحل يحوي دموع؟
اهو ممكن للعيون يجـف ماهـا=و البحر لو تامره جاها خنـوع؟
اسألوها.. هالحسِن وشلون جاها=كلها من راسها حتـى الصبـوع
كن ربي ما خلق حِسن لسواهـا=كيف ربي مسكنه بين الضلـوع؟
و الحكي شهدٍ و يقطر من شفاها=لو يذوقه مَسمع السامِـع يجـوع
و العطر تركيبته مـن محتواهـا=لي مشت تلقى المِسِك منها يضوع
لا حشا ما أبرقت نجمة بسماهـا=كيف تبرق و البدر معلن طلوع؟
و لا عمرها أشعلت شمع بدجاها=حنّا لو تبغـي بَتِشْعِلنـا شمـوع
و اسألوها.. همسها يشتاق فاهـا=كنّها ميل الغصن فـوق الجـذوع
البلابل غـرّدت فوقـه بصداهـا=و الكناري ليه في صوته قنـوع؟
و اسألوها.. كل ما مر "ف" يداها=بين لحظة و بينها مليـون نـوع
ليه لسّـه حيـل ولهـان لدفاهـا=و لا طراها.. زود نبضاته تلوع؟
و لا نظرها خاطفٍ دربه معاهـا=للصلاه -واستغفره- ضيّع خشوع
قدّها الميـاس مأسـور بشذاهـا=كيف من يشهده ما يعلن خضوع؟
اسألوها.. و الذي زينه عطاهـا=من جمال الكون و اسكنها ربوع
و الذي صوّر و أبدع في حلاهـا=ليه تبكي و الكحل يحوي دموع؟
[/poet]
رومنسي الاطباع
الله يعطيك العافيه على هالقصيده الرائعه
صح لسانك وسلمت يمينك
تحياتي