بكيت ياسلطان من فرحتـي فيـك
واستبشر الشعب بسلامة وصولك
ولو مانت غالي مانزل دمع مغليك
عسى العيون الحاسده ماتطولـك
تدري وش الي يجعل الشعب يفديك
ان الشاهمه فيـك ( واول فعولـك
تمسح على روس الليتامى بياديك
وتبكي الا مـن( الغلابـا) بكولـك
ولولا الشهامه ما عجوز(ن) تبكيك
ب(فريقيا) يامير ماهـي بحولـك
وسئلت عنهاقالو الجوع في ذيـك
وارسلت تنقذهم وهـم ماشكولـك
وتشوش لا من الرجال أنتخت فيك
تفزع لهم حتـى ولـو ماعنولـك
اتلومنى ياميـر فـي حبنـا ليـك
وفيت مع شعبك وشعبـك وفولـك
(ومليكنا) الي فرحته غيرنا فيـك
(فك المساجين) بسلامت وصولـك
ومن حب شعبك لك الا حل طاريك
( مدوا)( اياديهم) وثم(ن) دعولـك