[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
هذا وهي ليلتين وضاق صدر القصيد=وشلون لا صرت غايب عن عيوني شهر
البارحه طاح من غيبتك راسٍ عنيد=واللي مداريه عنك من المشاعر ظهر
كنت اعشق بصمت لكنّك كسرت الجليد=وفي لاهب الشوق اذبته لين سال النهر
واجتاح كل الجوارح لين بل الوريد=وازهرت بك بس من يجمع رحيق الزهر؟
يا ملهم الحرف كان الحرف قبلك بليد=يااكثر ما شاف لكن ما قدر ينبهر
يكتب باحاسيس غيره لاجل بعض الرصيد= ومن بعدك اختار لا يعرف ولا ينشهر
يكفيه ياصلك قلبه لو يعوّد وحيد= ويكفيه طاريك لو قص الغياب الظهر
واذا بغيت الجديد ارم النظر يالفريد=لمرايتك لا غفا الغافل وطاب السهر
واقرا بكلّ الملامح كل حرفٍ جديد=وفي شال واقعك غط الفاتن اللي ظهر
وين اختفي عنك وانت من النظر للوريد= تسلاك عيني ولا يسلاك قلبي دهر
ان ما تجدّد بليل الاربعا كل عيد=ماتت جميع المشاعر منك موتة قهر[/poem]
[align=center]تلميذ الجميع
حمود المخلد[/align]