أقبلتـ والكلـ يسألـ ياترىـ منـ هيـ تكونـ؛؛افكار تنظيم جهاز العروس؛؛

[ساجدهـ]

بسم الله الرحمن الرحيم


صباح السعاده والشوق

اليوم يالغوالي موضوعي عن ترتيب جهاز العروس من تسريحة(كومدينه) لملابس لحمام ل...الخ

بس قبل لا ابدأ اتمنى ماتنسوني من دعائكم لاني والله تعبت بالموضوع وانا اجمع الافكار وادور الصور المناسبه ولا بخلت عليكم بشي اعرفه



قبل لانبدا ::

-لاتنسن تتصدقن من المهر عشان البركه تكون تسابقج لعش الزوجيه بإذن الله
-ولازم كل ماتشترين شغله تطلبين من الله التوفيق لان الدعاء اساس للتوفيق
-وقبل لايودون اغراضج استودعيهن الله














طبعا اغراضج راح تبخرينهن وتحطينهن بجناط اطقم سواء كنتي مزينه الجناط او مخليتهن ساده مثل
هالصور










حطيتيهن خلاااااص طلي عليهن نظره اخيره تاكدي

لاتنسين طلعي عطوراتج واغراضج حقات الصالون مو يروحون وتقعدين به


يالله قولي استودعكم الله الذي لاتضيع ودائعه وروحي دمعي لج كم دميعه ابو انه خلاص صااارت الصجيه






ووضي وصلي ركعتين



لاتقولن شلون صغرت العروس توها كانت كبيره لاعاادي كمشت من الخوف

من اللحين مستعجله على الذريه



انتي انتهى دورج وسلمتي الامانه خواتج وامج او اللي بيروحون يودون اغراضج





اول شي ماينسن ياخذن معاهن كواية بخار يكون ملابسج قبل التعليق






مجموعه مناشف صغار




مباخر عشان مايستخدمن مباخرج





فحم




والحين حطوهن بالسيااره







هههههههههههههههههههه امزح بس مالقيت احد مصور جهاز عروس محمل بالسياره



طيب انتي عيشي الوضع تخيليهن محملات






هذي انتي على الشباك تبجين





يالله عاد مصختيها ارجعي صلي عروس وقوية عين تطلطل مع الدريشه



اول مايدشن البيت

-طبعا برجلهن اليمين
- ويقولن دعاء دخول المنزل الجديد
- ويسكرن الباب باسم الله


اكيد بيصير تجول بالمنزل وحركتات حريم حطوا ماحطوا ومن هالسوالف

هذولي خواتج لكن الام

بتمشي وراهن تهاوش ودموعها بعيونها وبتقول بسرعه لاتفشلننا وكثر الله خيرهم والعمده على التوفيق وما الى ذلك


اللحين لاز يتقاسمن الشغل وكل وحده تبدا بشغله


اول شي غرفة النوم







بدا الجد يابنات خلن عنكن عطورات المعرس تقرن اسماءهن يعننا بنكتشف شخصيته عييب عييب



تنزلنهن عن التسريحه

وتمسحنها بمنشفه مبلوله بماي ومعطر اي نوع

وتحطن المفرش الي شاريته العروس

وتنظمنها بالطريقه اللي هي تبيييييييييييي مو بكيفكن تغيرن افكاره


مثلا

-بتحط بس عطورها وشموع وورد طبيعي مع عطورات زوجها وفواحه


- بتحط المفرش وتنثر ورد جفف وتحط عطورها وعطور زوجها على ستاند للعطور


-او بتحط ستاند للميك اب وستاند للعطور وصينية مبخره


-او اطقم لايف ستايل للتسريحه




المهم اللي يريحهاااااااا لاتغيرن




يتبع لحد يرد بليز

[ساجدهـ]

[align=center]


























قبل لاتحطن الاغراض بادراج التسريحه وبعد مسحهن طبعا فيه مفارش معطره للادراج تلاقونها عند الشايع تخلي ريحة الدرج واااو


-بعضهن يحبن الميك اب يكون بدروج التسريحه





او ستاند للميك اب





-الاكسسوارات فيه درج خاص لهن اللي بتشتريه اوجنطه









الملابس تطلعنهن من الجناط طبعا عليهن اكياس الملابس الخاااام عشان البلاستيك يخلون ريحه للملابس وتكونين مختاره الوان متناسقه مع فكرة تسريحتج وتنضيماتج كامله




وتعلقنهن بالاكبات لحضه لحضه لايكون للحين تفرجن على البيت وما مسحتن الاكبات وبخرتنهن بسرررعه طيراااان سون شغلكن

فيه معاليق كشخه ع حسب ذوق كل وحده




الملابس اللي تنسفط بالادراج مثل البناطيل والتي شيرتات ووو ينحط بينهم اكياس معطره او اخشاب مدوره صغيره بعد عطره من لايف ستايل



وتعلقن الجناط بمنظمهن هم بعد داخل الكبت<<الله يعينه بينفجر







العبايات لهن اكياس خاصه



منظم للملافع




الاندر وير افضل ينحطن بجنطه ويقفل عليهن وتنحط بالكبت انتي ان شاء الله ان جيتي بيتج ترتبينهن عن اعين الفضوليين


او بكيفج تحطينهن من البدايه بمنظمات الاندر وير





[/align]





يتبع,,,,,,

[ساجدهـ]

الجواتي انتن بكرامه ينحطن بالمنظ ويدخلن بالشوفونيره او فيه بوكسات للجواتي او اكياس خام على راحت العروس









اللارواب بالشوفونيره





فيه صناديق يرتب فيها انواع البخور









تحطن صندوق المصحف والسبحه وكتيب الاذكار بعد بدروج التسريحه او عاد دبرن له مكان حسب تنظيم الغرفه





تشترين فازات للشوفونيره طبعن له مفرش طقم مثل التسريحه





طبعا ديباجهم اللي حاطينه ماتغيرنه يالحلوات



تكتفن برش خلطه ونثر ورد جوري بسيط ع السرير طبعا بدون هالوردتين اللي على المخاد




خلصتن تولعن بخور




فواحه عطريه




برا برا انتهت مهمة الغرفه لا تقعدن تدققن وتحلمن عيب وحرام





نجي للحمام وانتوا بكرامه اكيد نظيف اذا طلعوا ذربين وحاطين طقم حمام صلى الله وبارك

اذا لا تحطين طقم الحمام اللي شاريته








وترتبين اغراض الحمام بالادراج من اغراض الصيدليه لمجموعات الخاصه ووووو,,,,الخ




يولعن فواحه ربع ساعه بسسس لاينسنها تراهن اكيد للحين بهن طفاقه خواتج



طبعا المطبخ اكيد مرتبينه مالج شغل فيه



فيه كم فكره بضيفها



اللي هي تشترين ستاند للبخور عشان تبخرين عباتج او شماغ زوجج بدون مايحترقون





تفصلين اكياس خام بعد زواجج ترتبين ملابس زوجج فيهن شلوون!
طبعا ابو الشباب تلقينه مو متعود ع النظام طول عمره ملابسه طايحه بمقلط الرجال ويتهاوش هو واخوانه على الملابس ويتغالطون فيهن دايم لان كل واحد اذا شاف الدشداشه نظيفه قال لي لو انه يكذب

طبعا مو الكل لان فيه شباب بسم الله عليهم ذرابه وذوق وتفنن لكن الاغلب تماسيح مثل اللي فوق

اخذني الحش نسيت السالفه الاساسيه اللي هي

تخلين كل طقم كامل من الملابس الداخليه بكيس انزين يعني وقت الشاور مايحوس الكبت فووق تحت عشان يدور اغراضه ياخذ الكيس ويدش الباث لاتستانسين حبوبه ترى مودايم هو اللي بياخذ الكيس لااااا طبعا هذا اذا كنتي مو موجوده اذا حضرتج بالبيت الله لايهينج قومي انتي لبي له طلباته<<هارون الرشيد ع غفله

يعني صورة تقريبيه





وهذي افكاري اتمنى ان تقبلون اسلوبي وبانتضار افكار بنات ركننا الغالي

تعببببببت بس متاكده ماراح تنسوني بالدعاء بالتوفيق



بجهد اختكم ::


؛؛ساجدهـ؛؛

[بنت امها]

صراحه روعه افكارة وتجهيزك الله يهنيك تمنيت اعرس مرة ثانيه (بسم الله على ابو الشباب ) بس روووووووووووووووووعه

[ساجدهـ]

يسلمو بنت امها يالغلا الله يخليلج زوجج ومايمنع انج تنظمين دارج كانج عروس لكسر الروتين

<<للحين زعلانه على الموضوع لان الصور كباااار مشوهينه لينوووو وينج بليييييز

[خــ ج ــل]

ياحياااتي عوآآفي على هالموضوع والافكااار الروعه اللي مايجن الا من الحلووووين...

[ساجدهـ]

[align=center]يعافيج خجووله والحلو هو اللي دايم يشوف الناس حلوين


غوااااالي شاركونا افكاركم [/align]

[بـيلــسآن]

موضووعج رهييب شمامه بسم الله عليك كامل مكمل

بس بضيف شغله بسيطه بايام التجهيز وكل ماشرت شغله وحطته بالشنطه ( تجيب مسسك المكعبات الجامد اقصد وتكسره كسر صغار وتعبي اكياس اورقنزا صغار وتحطهم بين الملابس بالشناط تعطي الملابس رايحه حلوه وثابته

واذا تذكرت شي ثاني برجع اذكره .,

والله يوفقنا ويسعدنا جميع ~

[ساجدهـ]

ياااااااااابعدي يابيسو طافتني ربي يسعدج

ان ذكرتي شي يالغلا اكتبيه لنا نستفيد منج حبوووبه



امييييييييين ربي يسمع منج....

[بنت الدلع]

موضوع روعه وافكار اروع