[poem=font="Simplified Arabic,4,silver,bold,normal" bkcolor="transparent" bkimage="backgrounds/21.gif" border="double,4,gray" type=2 line=0 align=center use=ex num="0,black"]
يا يمه جيت ابسأل ليه انا حظي مجافينـي
=اشوف الناس ملتمه وانا ما بيـن حسراتـي
اشوف افراح من حولي اسلم مـا تحيينـي
=اناديها وانا خجـلان الـزم فـي تحياتـي
احاكيها يافرحه وين؟ حلفت انك تزورينـي
=اشد بحكي ثم ارخـي اداعبهـا بهمساتـي
ولا بـه فايـده يمـه برغبتهـا تمشينـي
=تواعد ثم تخلفني او انهـا تنسـى اوقاتـي؟
انا اذكْردعوتك لله ... طلبك انـه يخلينـي
=طلبك انه بيرزقنـي و يوفقنـي فبداياتـي
تعلمت الدعاء منك وصارت عـادةٍ فينـي
=اذا نامت عيون الخلق اوجـه لله دعواتـي
رجيت بصوت كله خوف متأمل بيعطينـي
=لاجل ما افرّحك يمه رجيت وزدت رجواتي
هقيت ان دنيتي تصدق بدعواتي وتوفينـي
=صبرت بحروة امالي وحروة كل هقواتـي
وجت للخلق ذا كله ولكـن ازرت تجينـي
=وقلت اكيد هي خيره حمـدت الله لحالاتـي
كتمـت الاه لا تطلـع ولا ودي تشوفينـي
=ما ودي يتعبك نوحي ولا تشقيك شهقاتـي
تجرعت الالم يمه شربتـه بـأول سنينـي
=وجيتك ما بغيت انك تحسي مـر لوعاتـي
اضّحك هم دمعاتي واطمن خوف يحوينـي
=واجر بصوتي العالي لاجل عينيك ضحكاتي
واذا صديت عن وجهك اسلم امري لعينـي
=تجيني مثل جلادٍ يروق ان شاف دمعاتـي
اجملهـا بذكـر الله واقـول الله بيجزينـي
=اهدّي نفسـي اطلبهـا تجملهـا ببسماتـي
ولكن لو نجي للجد تـرى كذبـي مأذينـي
=ما عاد استحمل العيشه بتزيفـي لفرحاتـي
انا هلكان يـا يمـه انـا تعبـان ضمينـي
=انا كل ليله اتوفى وارد احيـا لصرعاتـي
ذبحني البرد يايمـه بغيتـك لـو تدفينـي
=طلبتك انزعي بردٍ سكن واستوطـن بذاتـي
ضلوعي تزاحمت يمه بصدرٍ مـا يكفينـي
=من الضيقه من همومي من الامي واهاتـي
يلاعب فكري جنون و تلاعبني شياطينـي
=توريني ضعف حالي ... تذّكرني بمعاناتي
تشككني بحبك لي واقـول انـك تحبينـي
=تعاند حبك بقلبـي تكـذب لـي حكاياتـي
ترى ما هزني خوفي وحبك لي بيحمينـي
=ترى ما عمري اشكك والومك في نهاياتـي
انا بس باسالك يمه حقيقه ليه ولدتينـي؟؟؟
=بنفس اللحظه يا يمه ولدتي ليه مأساتي ؟؟؟
ارد ادعي انا ربـي مـن العلـه يشافينـي
=وكل خوفي على قلبك اذا مـروك برفاتـي
انا خايف مـن احـلامٍ نهايتهـا بتشقينـي
=ومن قسوة مشاويري ومن اخـر مسافاتـي
وخايف والله من قبري ومن تربه تغطينـي
=وسيره تنقطع بعدي ما يبقى غير كلماتـي
ابيكي ترضي بالقسمه ورضوانك بيرضيني
=تراني لاجلك اتمنى يحقق ربـي رغباتـي
يا يمه لا اشوف الهم بوجهـك لا تبّكينـي
=ترى مكتوبه قبل اولد متى ولوين خطواتـي
واذا ما جت على كيفي ابيكي منها تعفينـي
=عسى ترحمني دموعك وتشفع عندك ابياتي
منقول [/poem]