[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
الله من قلبٍ طبوعه مزاجي = ماكل شيّ يعجبه في مزاجه
أدناة ماعكـّـرْه مثل الزجاجي = وادناة ماكســّره مثل الزجاجه
ماله على الثانين أي احتجاجي = مار البلا اللّي يزعجه باحتجاجه
ماهمنـّي من قال فيه ارتجاجي = ياليت يكفيني كثير ارتجاجه
ناسٍ تلوج هروجها بالتواجي = خلّت فؤادي يحترق بالتواجه
له لجةٍ تشبه مبيع الحراجي = تنشب بها نشبة خطاة الحراجه
هباش بكاش العرب له رواجي = في عصرنا بخس السلع حيل راجه
كم واحدٍ يمشي بمشي ازدواجي = ماحدٍ عليه انكر مسير ازدواجه
لاشاف كفي الصاع فل الحجاجي = ماهي على النوماس فلة حجاجه
وقت الرخا شلفاه فيها التعاجي = وقلبه ليا جا الجد زاد التعاجه
شفـّاي لفـّاي المجالس مواجي = لكن بوجه الضيف ماله مواجه
يطلب زلال ومد كفه هماجي = ابوه عدـّه بادعه في هماجه
عساه يفدى طيبين المهاجي = بيض القلوب اهل الوجيه المهاجه
ومن لاالبسته فعوله الطيب تاجي = ماينفعه لو زركش المال تاجه[/poem]
..