مرحبا ..يالغاليات..
كل عام وانتن بخير وعافيه...
اشوف القسم بشهر رمضان راكد شوي مادري يمكن علشان ماعندنا وقت ندخل
وياليت الاخوات يسدحون هنا بعض ابداعاتهن اللي يسوونها على سفرة الفطور
المووهم انا قلت انزل لكم عجينة الفطائر الهشه ماخذتها من احد المنتديات والله يجزى صاحبتها كل خير صرت معتمدتها بكل معجناااتي ونقلت لكم ملاحظاتها ..
وان شاء الله تجربونها وتعجبكم ..
المقاديــــر :
3 ونصف كاس دقيق (لازم كويتي)
3 ملاعق كبيره حليب نيدو
3 ملاعق كبيره سكر
ملح ملعقه صغيره شاي
1 ملعقه كبيره خميره
1ملعقه صغيره باكينج بودر
ربع كاس زيت
ثلاث ارباع كاس لبن سائل (المراعي او الصافي او الطازج).........(هذا سر البياض بالعجينه)
1علبة زبادي ام ريال
...............
الطريقه :
نخلط المقادير الجافه اولا
ثم نضيف السائله...........ونعجن اقل شي عشر دقايق....حتى تتكون عجينه تلتصق باليد قليلا..
نتركها ساعه تتخمر
ثم نشكلها ونتركها خمس دقائق بعد التشكيل للتخمير........وندخلها الفرن مراح تطول عشر دقايق او ربع ساعه كافيه...حتى تتحمر شوي
ملاحظات:.
1.(ممكن تضيفي شوي دقيق لو احتجتي المهم تكون العجينه معك ناعمه وتلتصق قليل مو قاسيه)
ملاحظه2: للحصول على لون ذهبي رائع اخلطي حليب ابو القوس مع صفار بيضه مع قليل من الماء.وادهني فيه وجه العجينه او حوافها بعد الانتهاء من التشكيل كاخر خطوه
وتمتعي باطعم فطائر او خلية نحل او معجنات او اي شي يبيله عجينه........
وهذه صورة السينابون اللي سويته انا اجربها وطلعت خيااااااااااااااااال ...
[img] [/img]
وعليكم بالعافيه