طعنة ولد عم

[عباد]

[poem=font="Simplified Arabic,6,darkred,bold,normal" bkcolor="transparent" bkimage="backgrounds/25.gif" border="double,4,firebrick" type=0 line=0 align=center use=ex num="1,black"]
جرح الكرامه ياعلي ماله ادوى=ياكود دم(ن) يرقع الدم بالدم
والظلم ياسيد المخاليق بلوى=وياحرها بالكبد طعنة ولد عم
قمت اتقدم وارجع الخلف خطوى=وامشي وارجع خطوتي واتقدم
اقلب الكفين وش عاد تسوى= في تفلها بلوى وفي بلعها سم
طعنت ظهر ياخوك ماهي بهقوى=ياويل طعان الظهر وان تندم
الموت لا والموت ماهو بسلوى=تساوت الايام والموت والغم
لالعبة الغربان بطيور شلوى= والذيب الامعط جفله ريحة الدم
ياحظ خبل(ن) ماله بحق دعوى= متساوي(ن) عنده دجى السعد والهم
وياحظ من له بأطرف الارض حظوى =قطعة حلال(ن) من وراها تسقم
الدم دمي واللحم فيه جفوى = والكف لاعابت على الساعد الذم
هم(ن) معي يسهر وياكل ويروى= خلى حياتي مستحيله وعلقم
ويالله تجعلي عن الغي تقوى = وعن خطوة منها الرجاجيل تندم
انا الذي عايش على نار لظوى= وانا الذي من عجز رايه تحطم
الهم ياكلني على غير هدوى = واليوم ياربي عليه تردم
جيتك وفي عيني من الظيم شكوى = وباستار لطفك من شكى الظيم ينعم[/poem]

[ابو حنين العنزي]

صح لسانك اخوي وتقبل مروري

[برنسيسه الحفر]

[♥ כـِـِـِّلـِـِم ♥]

صح اللســــانكـ شاعرنا

يعطيك الف عافيه

[احمدعيد]

صح لسانك أخوي عباد . . . .

وقصيدة جميلة ومجسده لهذا الموقف الذي حدث

يعطيك العافية

(أبو حنين كم توقفت عند هذا التوقيع الأجمل من أجمل . . . مبدع )

[جزل]

اللهم اننا نعوذ بك من قهر الرجال ، عباد الله يعينك ويفرّج همّك ويبعد غمّك قل آمين

عليك بالصبر ، وهنا من حكى معاناتك .

وإن الذي بيني وبين بني أبي = وبين بني عمي لمختلف جدا
فإن أكلوا لحمي وفرت لحومهم = وإن هدموا مجدي بنيت لهم مجدا
وإن ضيعوا غيبي حفظت غيوبهم = وإن هم هووا غيبي هويت لهم رشدا
وإن زجروا طيرا بنحس تمر بي = زجرت لهم طيرا تمر بهم سعدا
ولا أحمل الحقد القديم عليهم = وليس رئيس القوم من يحمل الحقدا
لهم جل مالي إن تتابع لي غنى = وإن قل مالي لم أكلفهم رفدا

وهنا من قال::

بلادي وان جارت عليَّ عزيزةٌ @ واهلي وان ظنوا عليَّ كرامُ


آسف للإطاله تحياتي اخ عباد.

[معرّب الجدين]

صح بوحك يالعذب

ولاهنت والله يبصر قلبك

هذي حال ادلنيا يالذيب وخص من القريب مرض

[شاعر بلا الهام]

صح لسانك عباد ومن منى لم يعاني من طعنات الأقراب قصيده رائعه

لا تشتكي من جور الأقراب عباد = كم واحدً من جور الأقراب منصاب
قلتـــــه وأنا والله مانـــي بنقـــاد = لأنـي بـعد مــثلك تجرعــت الأتعــاب
وعند الولـي في يوم لابد ميــعاد = وكــل فــعلهً محــفوظهً لوح وكتــاب

[ماجدعوادالسعدي]

[align=center]عبـــــــــــاد

صح لسااااااااااانك

قصيده جميلة ولها موقفها

الخاص والله لايهينك

دمت بخير

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,


تحياتي[/align]

[عبدالله الأحمد]

ياحظ خبل(ن) ماله بحـق دعـوىمتساوي(ن) عنده دجى السعد والهم
وياحظ من له بأطرف الارض حظوىقطعة حلال(ن) مـن وراهـا تسقـم




اخوي عباد

صح الله لسانك

نص في غاية الروعه

تقبل مروري وكل احترامي