اللي عنده العلم أتمنى أنه مايبخل بالرد

[َHD]

السلام عليكم
انا ناوي ان شاء الله آخذ أولادي وأمشيهم بالكويت يوم السبت الجاي , طبعا انا ابغى الأماكن الي فيها التمشية الي هي شارع المطاعم والافنيوز والاماكن هذي .

اللي ودي انكم تجاوبون عليه هو توصيف الطريق من الحفر إلى أن أوصل لذي الأماكن , يعني بعد السالمي تجييني الجهراء وبعدها آخذ آي طريق ؟ أو أي دايري وأي مخرج؟؟ لأني ماقد رحت للكويت قبل كذا .

ياليت يكون التوصيف بالتفصيل الممل وادري اني ثقلت عليكم لكن أنتم قدها وقدود ..

تحياتي لكل من قرأ وكل من رد وسوف يرد على موضوعي .

[أبو راشد]

في الحقيقه والواقع حدي الرقعي كل اسبوع الرقعي والحماطيات عند نياق الوالد

يجي من يفيدك اخوي

وبعد اذن اخوانا في الاداره ولونه ممنوع بس حبيت اخدمك وان توقفت ترا تعطيني عضويتك

اكتب بقوقل بوابة السفر إلى الكويت Kuwait

وعندك الاخ ناجي حسب مانتابع له صولات وجولات هناك يفيدك اكثر

[َHD]

تسلم يالغالي على الرد كفيت ووفيت , وانا رحت للموقع الي خبري خبرك هههههههههه بس مالقيت اللي ابي .

[لينو]

تفضل اخي HD انا من سكان الكويت بشو فيني اخدمك

[G•e•N•e•R•a•L]

[align=center]وعليكم السلام ورحمة الله وبركاته

في البدايه ربي يحفظكم وتردون بالسلامه

بوصف لك وان شاء الله ان وصفي واضح ومفهوم


شارع المطاعم مايصلح للعائلات نهائياً

بوصف لك الافنيوز

اول شي بيجيك مفرق يمين اذا كملت بتدخل على الجهراء
لكن انت ادخل يمين مع الجسر قبل الاشاره وقبل لاتصعد الجسر

الحين بتكون على الدائري السادس

بتمشي على طول لين مايجيك استاذ الشيخ جابر الدولي على اليسار

بتجيك لوحه على اليمين مكتوب محطة البضائع او ميناء الشويخ

بتدخل يمين بعدها بتجيك دخله يمين لاتدخلها كمل على طول

وتواجهك دخله ثانيه يمين تنزلك تحت الجسر وتدخلك على شارع الغزالي

بتكمل مع شارع الغزالي على طول بيجيك جسر تمر م تحته وبعده جسر ثاني

وبعدين يجيك جسر تمر من فوقه وهم تكمل سيده لين يجيك مكتوب الدائري الخامس له دخلتين

اول دخله لاتدخلها ادخل الثانيه تنزل من تحت الجسر
بعدين تجيك اول دخله يمين لاتدخلها ادخل الثانيه تكون انت بالافنيوز اووكي



][`~*¤!||!¤*~`][للملاحظه انتبه من الكاميرات:][`~*¤!||!¤*~`][

ترا عد البانزين على طريق السالمي فيه كاميرا انتبيه

وفيه كاميرات 3 على الدائري السادس

الاولى اذا طفت الجهرا

والثانيه اذا جاك مدخل الدائري السابع


والثالثه لما يجيك بانزين على يمينك فيه كاميراانتبه كله السرعه لاتتعدا 120

واذا نزلت من تحت الجسر على طريق الغزالي فيه كاميرا انتبيه

================================================== =======

روح مارينا مول
او
سوق شرق
او
الابراج حلوه للعائلات
او
مجمع الكوت بس بعيد شوي في منطقة الفحيحيل


بس الصراحه الافنيوز افضل شي لان فيه كل شي العاب اطفال تسوق مطاعم سينما وفيه


فيه سوق راح يعجبك ميه بالميه هو سوق المباركيه نصيحه لازم تروحله
حدك راح تستانس بس تراه تسوق ومافيه شي للاطفال كالعاب


واذا عندك اي استفسار انا حاظر
وموفق خير
[/align]

[أبو راشد]

اقتباس: المشاركة الأصلية كتبت بواسطة G•e•N•e•R•a•L    [align=center] ][`~*¤!||!¤*~`][للملاحظه انتبه من الكاميرات:][`~*¤!||!¤*~`][ ترا عد البانزين على طريق السالمي فيه كاميرا انتبيه وفيه كاميرات 3 على الدائري السادس الاولى اذا طفت الجهرا والثانيه اذا جاك مدخل الدائري السابع والثالثه لما يجيك بانزين على يمينك فيه كاميراانتبه كله السرعه لاتتعدا 120 [/align]

بالنسبه للكميرات ماعتقد انه مطبق على السيارات الخليجيه اذا هو نفس ساهرنا
قبل شهر تقريبا على سياره قطريه قاطع طريق الملك فهد بالدمام بأكثر من ثلاث فلاشات بيوم واحد
ولم تسجل اي مخالفه على قائدها حتى لدى مغادرته لمنفذ سلوى وحتى يومنا هذا ايضا......

[تركي الوايلي]

[align=center]عليكم السلام ورحمة الله وبركاته

اخوي معليش الناس تدور السياحه والهواء البارد والامطار

والكويت مافيها الا الحرر اللي يسلخ الجلد سلخ وكذلك الرطوبه والغبار

عليك في السياحه الداخليه ابها والخميس والباحه امطار بشكل يومي

وكذلك عليك بسلطنة عمان جنة الدنيا خل العيال يتنفسون
على الاقل اكسجين صافي ورائع ويطردون الهموم

وبالتوفيق . [/align]

[َHD]

اقتباس: المشاركة الأصلية كتبت بواسطة لينو    تفضل اخي HD انا من سكان الكويت بشو فيني اخدمك

مشكوورة يا أخت لينو , أنا كنت أسال عن وصف الطريق من حفر الباطن إلى داخل الكويت .

[َHD]

اقتباس: المشاركة الأصلية كتبت بواسطة G•e•N•e•R•a•L    [align=center]وعليكم السلام ورحمة الله وبركاته في البدايه ربي يحفظكم وتردون بالسلامه بوصف لك وان شاء الله ان وصفي واضح ومفهوم شارع المطاعم مايصلح للعائلات نهائياً بوصف لك الافنيوز اول شي بيجيك مفرق يمين اذا كملت بتدخل على الجهراء لكن انت ادخل يمين مع الجسر قبل الاشاره وقبل لاتصعد الجسر الحين بتكون على الدائري السادس بتمشي على طول لين مايجيك استاذ الشيخ جابر الدولي على اليسار بتجيك لوحه على اليمين مكتوب محطة البضائع او ميناء الشويخ بتدخل يمين بعدها بتجيك دخله يمين لاتدخلها كمل على طول وتواجهك دخله ثانيه يمين تنزلك تحت الجسر وتدخلك على شارع الغزالي بتكمل مع شارع الغزالي على طول بيجيك جسر تمر م تحته وبعده جسر ثاني وبعدين يجيك جسر تمر من فوقه وهم تكمل سيده لين يجيك مكتوب الدائري الخامس له دخلتين اول دخله لاتدخلها ادخل الثانيه تنزل من تحت الجسر بعدين تجيك اول دخله يمين لاتدخلها ادخل الثانيه تكون انت بالافنيوز اووكي ][`~*¤!||!¤*~`][للملاحظه انتبه من الكاميرات:][`~*¤!||!¤*~`][ ترا عد البانزين على طريق السالمي فيه كاميرا انتبيه وفيه كاميرات 3 على الدائري السادس الاولى اذا طفت الجهرا والثانيه اذا جاك مدخل الدائري السابع والثالثه لما يجيك بانزين على يمينك فيه كاميراانتبه كله السرعه لاتتعدا 120 واذا نزلت من تحت الجسر على طريق الغزالي فيه كاميرا انتبيه ================================================== ======= روح مارينا مول او سوق شرق او الابراج حلوه للعائلات او مجمع الكوت بس بعيد شوي في منطقة الفحيحيل بس الصراحه الافنيوز افضل شي لان فيه كل شي العاب اطفال تسوق مطاعم سينما وفيه فيه سوق راح يعجبك ميه بالميه هو سوق المباركيه نصيحه لازم تروحله حدك راح تستانس بس تراه تسوق ومافيه شي للاطفال كالعاب واذا عندك اي استفسار انا حاظر وموفق خير [/align]

يعطيك العااااااااااااااااااافية أخوووي جينرال ومااااااااااا قصرت ع الوووصف .
شكل الطريق طووويل بس يلا تهوون , لكن مقدر لك تعاونك .

[َHD]

اقتباس: المشاركة الأصلية كتبت بواسطة تركي الوايلي    [align=center]عليكم السلام ورحمة الله وبركاته اخوي معليش الناس تدور السياحه والهواء البارد والامطار والكويت مافيها الا الحرر اللي يسلخ الجلد سلخ وكذلك الرطوبه والغبار عليك في السياحه الداخليه ابها والخميس والباحه امطار بشكل يومي وكذلك عليك بسلطنة عمان جنة الدنيا خل العيال يتنفسون على الاقل اكسجين صافي ورائع ويطردون الهموم وبالتوفيق . [/align]

أهلا بالأخ تركي , أدري الكويت حر بس وش نسوي عندي إجازة 3 ايام قلت نونس العيال فيها .