إنا لله وإنا إلية لراجعون
عاد تلقون السبب تافه ..ليش خزيتني ..وش تبي ومن هالسوالف والبداية تكون ساحة المعركة ثم المستشفى بعدين الشرطة وأكيد أخر شي التنازل وهذا بلاء أبوك ياعقاب!
شطحة بخصوص التنازل//قبل سنتين انسرقت سيارتي من قدام البيت تقريبا الساعة وحدة ونص بالليل المهم أنا على طول فقدت السيارة وبلغت بسرعة وماكان فية وقت كافي ان السارق يتهنا بالسيارة طاردوة الشرطة الى القيصومة ومسكوة لقوا معة قارورتين عرق عاد الولد صغير تقريبا عمرة 17-18 سنة ..بعد ماطرحوة جيت شفت السيارة لاعب فيها لعب ولاعن والديها الوالدين شكلة كان يفحط ..قلت مااني متنازل عنة لو تنطبق السماء على الارض وخل القانون يأخذ مجراة ويتربى ابن اللذين ومن اليوم الثاني الا وجوالي علية اتصالات ماهي طبيعية عرفت انه من اهل السارق واحقر الجوال ولاارد بعد يومين جاني للبيت ابو السارق رجال كبير متعدي الستين ويترجى يبي التنازل ..والغريب العجيب ان الرجال يدافع عن ولدة ولاكأنة سوى شي اعذار واهية وسالفة ماتطلق وجهه يقول طلع معصب من البيت !!
قلت طيب والخمر اللي لقوة معاه قال لا مو له!!قلتلة أخاف انه لي وانا مدري
المهم غثوني غثة حتى بالحلم يجيني والله باليوم يجيني ثلاث مرات وكل شوي جايب معه جاهية ..
بالاخير للأسف تنازلت وسيارتي صلحتها على حسابي !