اتصل بادارة الموقع البحث   التسجيل الرئيسية

 

إعلانات خيرية مساحة مجانية للاستفسار مراسلة الإدارة

======================================================================================================================


العودة   منتديات حفر الباطن عاصمة الربيع > القسم الادبي > مشــــاعر الــــروح > القصائد المنقولة والمسموعة

القصائد المنقولة والمسموعة خاص بالقصائد المنقولة والمسموعة والتي اعجبت ناقلها

إضافة رد
 
أدوات الموضوع انواع عرض الموضوع
قديم 05-11-07, 01:47 AM   رقم المشاركة : 1
% برق الحيا %
عضو جديد
الملف الشخصي







 
الحالة
% برق الحيا % غير متواجد حالياً

 


 

مرثيات ....

أحبتي تحيه طيبه يملأها الحب اهديها لكم وأعتذر لكم عن طول الغياب وأرجو أن ان اكون دائما عند حسن ظنكم .....

وأرجو أن ينال اختياري اعجابكم واعتبروه عربون اعتذار ومحبه ولقد اخترت لكم قصيدتين في آن واحد .....

اذكر الله والتجي لـه بالشدايـد والطـواري
فزعته طب القلوب ومن يقينـي اعلـم انـه

قدر الموت الزعاف وماكتب للعبـد جـاري
مايـرده لـو يجابـه بالحـراب وبالاسـنـه

واذكر الله لو ذرفت من المدامع والعبـاري
ماجزعت من المصاب وادري ان الموت سنه

ماتو الرسل الكرام واصبحو في ظل بـاري
والمنايـا كـل حيـا لـه زمـان وياصلنـه

واذكر الله مااتسخط ماسكن سكـة وقـاري
لو مصابي فتت القلب الشقـي وادعـاه كنـه

صخرتن في وسط بركان الحميم الأنشطاري
ذابت بوسط الجحيم وعدهـا البركـان منـه

مات ابو مشهور وابكا في غيابه كـل داري
ترزم قلوب الولايف بين حسـره بيـن ونـه

قمت اعزي في وفاته نفسي وربعي وجاري
هو فقيده للجميع ومن عرف شخصـه يحنـه

له محبه لو تقسم بين ردهـات الصحـاري
استظاقت من فظاهـا والسمـا منهـا تمنـه

مات ابو مشهور مدري وين ليلي من نهاري
والصواعق وسط جوفـي ولعنـه واحرقنـه

والله اني من فقدته فاقـدن حتـي مسـاري
والهواجيس الثقيلـه تشقـي القلـب وتعنـه

نامت عيون السهارى والسهر بالعين ساري
وسطها جمـرن توقـد والطواعيـن اوقدنـه

من غيابه غاب فرحي وانتحا ماله مـواري
ابعد المظعـان واقفـا والصواديـف ابعدنـه

وين الد الشوف اشوفه في متاهات القفاري
يقطـع البيـد العنيـده والليـالـي بيـدنـه

كل شبرن فيه ذكرى من مسانا والعصـاري
والدروب اللي مشاها مـن مشاعنهـا تحنـه

والنخيل اللي سقاها وارتوت مثل الخبـاري
لو تكلم كان تنشد كـل شخصـن مـر عنـه

والدلال اللي ركزها في مشبـه والوجـاري
افقدت زوله وعـزت بالحـزن نجـرن يدنـه

والمجالس من تركها مالها بايـع وشـاري
انطفا نور السوالف من تـرك هيلـه وبنـه

والمنابر لو تكلم اسألـت كتـب البخـاري
عن صلاته واكلماته بين ظـم وبيـن غنـه

والمواقف مـات فيهـا ماتتقـا بالمـذاري
مات في درب المعزه والشموخ اعـلاه لانـه

شامخن مثل الجبال ودايمن للعـز ضـاري
ماخنع هام الصمـود ولاتـرك للغيـر منـه

مات ماتعب لابعيد ولاقريـب ولااستشـاري
اسلم الروح وتشهـد والشهـاده بـاب جنـه

مات بتراب الجدود ولاعشق بالكـون ذاري
غير ذرات التراب اللـي قـدم جـدي وطنـه

مات لكن والله انه حي في ذكـرن وطـاري
يرفـع الهامـه ويرقـا للنجـوم ويحظننـه

مات وبوسط العرين اشبال من ذيك الظواري
مانست فعل الجدود ولااطلقـت ذيـك الأعنـه

شالت اسمه باعتزاز وفي تواريخه تمـاري
وبطريقـه سالكيـن وياعسانـا عنـد ظنـه

ياعساله في جنان الخلد منـزال وقـراري
وسط فردوس النعيم وبين حـورن مستكنـه

واذكر الله بالنهايـه واذكـره ياكـل قـاري
للقصيـده وادعواتـك بالمغـفـره يلحقـنـه

للشاعرالمبدع/ مشهور السرحاني يرثي والده الشاعر/ يوسف السرحاني يرحمه الله






وهنا مرثيه وردعلى بيت شعر انتشر وردده الكثير وهو للشاعر/يوسف السرحاني .. يرحمه الله ويقول في هذا البيت (مايستريح اللي عزم له رجاجيل *** اللي دعاهم للعشاء واستجابو ) وكان هذا البيت من ضمن ثلاث او اربع ابيات من قصيده سوف اكتب لكم قصتها كامله في وقت لاحق بإذن الله .................. وسوف أترككم مع القصيده واتمنى ان تنال اعجابكم .... ودمتم بكل الود.







الجود عنوان الليال المجاهيل *** يوم ان بعض الناس للجود هابو

قدرو عليه مقلطين المعاميل *** إلى صحو ماشجعو قول دابو

ولا بنو بقلوبهم ظلم تحصيل *** ولا استشارو واشركو ثم تابو

الجود صكة للرجال المداهيل *** من شبهم حتى اليا من شابو

ورثة جدود محشمين عن الميل *** ماهم جليد من البرد ثم ذابو

ناس على كسب الغنايم مشاكيل *** ماهمهم من فرطو ثم سابو

نخوة كرم ماهي ملاعب مصاقيل *** ولا تغنو مع هل العزف بابو

مايستريح لجيل ورث على جيل *** ترحيب بالضيفان لا ماتغابو

مثل تغابي هازعين التظاليل *** اللي مباديهم تصابو .. تصابو

مارحبو في ضيفهم باوسط الليل *** وحتى ولا هم للمقابيل طابو

(الله يرحم من عزم له رجاجيل *** نبه عليهم بالعشاء واستجابو)

هذاك يوسف من سراحين لاقيل *** سرحان من سرحان ذيب تعابو

على الشهامه قلط الطيب والهيل *** الف ونعم مليون فيمن اجابو

والف ونعم مليون مليون تدبيل *** للشاعر اللي صاغ موقف برابو

في غربته عند الخوال الحلاحيل *** في بيت غير البيت ودو وجابو

قالو تريح واللوازم مزاهيل *** ربعه وناسه بس ماعنه نابو

حراً يحوم وللمعاني تحاليل *** ان المعزب طيب يخاف عابو

ماهو ردا ولا تضايق من الشيل *** بس الرجال احساس علم تنابو

بيت يردده الأجانب على القيل *** بيت بريده نصح يالله ترابو

بيت لثلاث بيوت حشم المصاميل *** اللي ليا قالو سما الهرج صابو

مامات من خلف وراه المع الجيل *** مشهور جيل لجيل ورثو وجابو


الشاعرالمبدع/عبدالكريم الطيار







التوقيع :

رد مع اقتباس
قديم 05-11-07, 01:52 AM   رقم المشاركة : 2
الفارس
المشرف العام
الملف الشخصي






 
الحالة
الفارس غير متواجد حالياً

 


 



هلابك يا غالي

وعزالله عذرنااااااااااك ...!!

قصيدتين شامختين


والله يرحم امواااااات المسلمين




مشكور على هذه الذائقة الرفيعه


ولا خلا ولاعدمك






التوقيع :

رد مع اقتباس
قديم 07-11-07, 01:05 AM   رقم المشاركة : 3
% برق الحيا %
عضو جديد
الملف الشخصي







 
الحالة
% برق الحيا % غير متواجد حالياً

 


 

استاذي العزيز/ مرورك الراقي والرائع اسعدني وشرفني ............. مشكور وكلك ذوق يالغالي .............. ولاخلا ولا اعدم انشالله







رد مع اقتباس
قديم 07-11-07, 05:38 AM   رقم المشاركة : 4
ريم النواااظر
مراقبة الاقسام الادبيه
الملف الشخصي







 
الحالة
ريم النواااظر غير متواجد حالياً

 


 

صخرتن في وسط بركان الحميم الأنشطاري
ذابت بوسط الجحيم وعدهـا البركـان منـه

الله يرحمه أموات المسلمين 000

وتسلم يمناك علي هالروائع000


ولأنهن قمه000فاللسان يعجز أن يكتب كلمه واحـــــــــده في حق هذه القصااايـــــــــد


تقبل أخي الكـــــــــريم مــــــــروري000







رد مع اقتباس
قديم 22-11-07, 12:43 AM   رقم المشاركة : 5
% برق الحيا %
عضو جديد
الملف الشخصي







 
الحالة
% برق الحيا % غير متواجد حالياً

 


 

اختي الغاليه/ ريم النواظر .......



يكفيني نورك وروعة مرورك الكريم ................ لاخلا ولا اعدم وكلك ذوق







رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:52 PM


Powered by vBulletin® Copyright ©2000 - 2017, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم