اتصل بادارة الموقع البحث   التسجيل الرئيسية

 

إعلانات خيرية مساحة مجانية للاستفسار مراسلة الإدارة

======================================================================================================================


العودة   منتديات حفر الباطن عاصمة الربيع > القسم الادبي > مشــــاعر الــــروح > القصائد المنقولة والمسموعة

القصائد المنقولة والمسموعة خاص بالقصائد المنقولة والمسموعة والتي اعجبت ناقلها

إضافة رد
 
أدوات الموضوع انواع عرض الموضوع
قديم 25-05-12, 04:08 PM   رقم المشاركة : 1
الشعبان
عضو متألق
الملف الشخصي






 
الحالة
الشعبان غير متواجد حالياً

 


 

new2 اللي يبي يبكي يجي بسرعه

بسم الله الرحمن الرحيم
السلام عليكم ورحمة الله وبركاته

فرحت لـك .. وأنـا معاليقـي حطـام

والصدر .. من مـا فيـه بيّـح كنينـه
فرحة يتيم ٍ .. ليلـة العيـد مـا نـام !
خـالاتـه , وخـوالـه .. مواعديـنـه
مواعدينـه بشـت .. وشمـاغ بـسّـام
ويلّعبونـه .. فـي ملاهـي المديـنـه
مانـام .. واحلامـه تـحّـراه قــدام
كنه يطـول أحلامـه ب( راحتينـه ) !
صبحه تجّلا نـوره ب/ عيـد الاسـلام
وقبـل يـروح المسـجـد : ملّبسيـنـه
جده مـا بيـن العيـن والجيـم والـلام
خلّيـه يافـلانـه .. ولا تأخريـنـه !
تراقبـه ب/ عيونهـا .. حـب وهيـام
وعيونهـا .. ممّـا تكـنّـه / حزيـنـه
"يعرض لها الماضي مثل عرض الافلام "
ل.. ماضـي ابـوه وغـلاه وحنيـنـه
يرجيه ل( سنين القسـا ) درع وحـزام
وجنـب ٍ علـى صكـات بقعـا يعينـه
ابـو ثـلاث أعـوام .. والا 4 أعـوام
يغار منـه البـدر .. مـن كثـر زينـه
صلّى وجاء وأمر الله اللي قضـى تـآم
ماهـوب داري عنـه .. زينـه وشينـه
بشته عليـه .. مهنـدم ٍ خيـر هنـدام
واللـي ب/ عمـره .. كلهـم محترينـه
يوم اطلعـوا للشـارع انقسمـوا أقسـام
وأهـم مـافـي القـصـه ؟ ملّعبيـنـه
تداعـب رموشـه .. ذعاذيـع الانسـام
ويابردهـا .. يـوم آيبسـت شفّتيـنـه
وعلى تـراب الأرض بأصبعـه رسّـام
أمـا رسـم لـه طيـر .. والا سفينـه
العيد طعمه كـان فـي الشـارع العّـام
ماهـوب عـن رغباتـه .. مقيديـنـه
رجـع ولكـن فرحتـه ضايعـه ( دام :
كل ٍ مشـى ) وأخـذ ولـده ب/ يمينـه
صاروا خواله في نظـر عينـه اصنـام
آحيـوا ب.. داخلـه الجـروح الدفينـه
ولا عنده الا أمـه ونـاب القهـر سّـام
جاهـا يبـي منهـا اليديـن الأميـنـه
شعوره اللي حـس بـه مثـل الإلهـام
وأول سؤال في بالـه : أبـوي وينـه ؟
سؤال : لكـن كـان مثـل النبـا الهّـام
لازال باقـي فـي المسامـع .. رنينـه
جته تعـدي , ماهـو تخّطـي بالاقـدام
وشالتـه بيديهـا .. وحـبّـت جبيـنـه
أبوك : جاء البارح وقبـل الفجـر قـام
وشرى لـك ألعـاب , وهدايـا ً ثمينـه
تراه حبّك وأنت غـارق فـي الاحـلام
وراح ل.. دوامه , والشغـل مرسلينـه
لحظه .. وهو بين الحقايـق والأوهـام
والدمـع الازرق حايـر ف.. مقلتينـه
يمّـه : تـرى مانمـت والعالـم نيـام
ماجاء .. ولا لمسـت يدينـي / يدينـه
مدام رقمـه معـك مـن بيـن الارقـام
ب.. أكلمـه , يـوم إنـك تكلميـنـه !
طاحت ما كن آلها من الصدمـه عظـام
ولاعـاد فيهـا صبـر .. ولا سكيـنـه
قالـت بـدون شعـور وإدراك وإلمـام
أبـوك ! فـي تـراب القبـر دافنيـنـه
العام مات .. ومـتّ مـن موتـه العـام
وكنـي بعـد مامـات عنـي سجيـنـه
أبوك جنـدي للوطـن ضـد الإجـرام
عـطـاك عـمـره دون داره وديـنـه
تفجّـرت مـن تحـت رجلينـه ألغـام
ولاعاد لـي بعـده حصـون ٍ حصينـه
بكّت .. وطاح الدمـع مـن حـر الآلآم
وبكى وطاح الكـون مـن مـوق عينـه
كـل ٍ عذلهـا .. بيـن عاتـب ولـوّام
تصّبـري .. خلـي ضلوعـك متيـنـه
ماهو صحيح ان الضروره لهـا احكـام
اكبـر خطـاء يـوم إنــك تعلميـنـه
بـكـره تنسّـيـه الليـالـي والايــام
هو فيـه أحـد ينسـى حـدا والدينـه ؟
طير السعـد فـي عالمـه مابعـد حـام
والله يعـلـم وش تخـبـي سنـيـنـه
أنا كـذا ! ساكـت وصابـر ومنضـام
لكـن كـان الفـرق بينـي وبيـنـه :
الدمـع ل.. عيـون الأرامـل والايتـام
ودمـع الرجـل ذل وهـوان وغبيـنـه






رد مع اقتباس
قديم 28-05-12, 12:24 PM   رقم المشاركة : 2
الشعبان
عضو متألق
الملف الشخصي






 
الحالة
الشعبان غير متواجد حالياً

 


 

رد: اللي يبي يبكي يجي بسرعه

معقووووووله !!!!!!!
ولا واحد اعترف انه بكى والا قفل النت وراح هههه







رد مع اقتباس
قديم 28-05-12, 02:43 PM   رقم المشاركة : 3
اميرة الليل
عضو فضي
الملف الشخصي






 
الحالة
اميرة الليل غير متواجد حالياً

 


 

رد: اللي يبي يبكي يجي بسرعه

ابيات رائعة يعطيك العافية الشعبان







التوقيع :

رد مع اقتباس
قديم 28-05-12, 06:19 PM   رقم المشاركة : 4
ابو سعود 777
عضو برونزي
الملف الشخصي






 
الحالة
ابو سعود 777 غير متواجد حالياً

 


 

رد: اللي يبي يبكي يجي بسرعه

ابيات مؤثرة جداً

الله يرحم الاموات ويكون بعون الايتام







التوقيع :
[SIGPIC][/SIGPIC]
من لزم الاستغفار
جعل الله له من كل هماً فرجا ومن كل ضيقاً مخرجا ومن كل بلاءً عافية
ورزقه الله من حيث لا يحتسب

رد مع اقتباس
قديم 28-05-12, 06:22 PM   رقم المشاركة : 5
بطاح
العضوية الماسية
الملف الشخصي







 
الحالة
بطاح غير متواجد حالياً

 


 

رد: اللي يبي يبكي يجي بسرعه

تشكررررااااااااااااات لشعبان







التوقيع :

رد مع اقتباس
قديم 28-05-12, 10:39 PM   رقم المشاركة : 6
ابوبيان
عضو ذهبي
الملف الشخصي






 
الحالة
ابوبيان غير متواجد حالياً

 


 

رد: اللي يبي يبكي يجي بسرعه

أبيات رائعة للشاعر مشعان البراق .
تسلم يمينك على هالإختيار







رد مع اقتباس
قديم 28-05-12, 11:17 PM   رقم المشاركة : 7
الشعبان
عضو متألق
الملف الشخصي






 
الحالة
الشعبان غير متواجد حالياً

 


 

رد: اللي يبي يبكي يجي بسرعه

مشكوووووورين على مروووركم العطر جميعاً

والشكر موصووول لأخوي الغالي ابو بيان على التعريف
انا والله نقلتها من منتدى لم يذكر اسم الشاعر على ان الكل يعرفه وفعلاً هو للشاعر البراق







رد مع اقتباس
قديم 28-05-12, 11:50 PM   رقم المشاركة : 8
اثير
العضوية الفخرية
الملف الشخصي







 
الحالة
اثير غير متواجد حالياً

 


 

رد: اللي يبي يبكي يجي بسرعه

أتينا رغبة في البكاء.. وكم من عبرة تخنق صاحبها ولا يستطيع البوح بها

أبيات رائعه ومنقول مميز ... سلمة يمناك وصح لسان شاعرها







التوقيع :
كفي دموعك يالحفر.. ربي بيسخرلك من يقوم بشأنك

رد مع اقتباس
قديم 29-05-12, 01:00 AM   رقم المشاركة : 9
الشعبان
عضو متألق
الملف الشخصي






 
الحالة
الشعبان غير متواجد حالياً

 


 

رد: اللي يبي يبكي يجي بسرعه

اقتباس:
المشاركة الأصلية كتبت بواسطة اثير
   أتينا رغبة في البكاء.. وكم من عبرة تخنق صاحبها ولا يستطيع البوح بها

أبيات رائعه ومنقول مميز ... سلمة يمناك وصح لسان شاعرها


هلا وغلا بخيتنا الكبيره والقديره والتي مازالت مشرفتا الغاليه والكل يحبها
نورتي بتواضعك ومرورك العطر






رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:23 AM


Powered by vBulletin® Copyright ©2000 - 2017, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم