(( أخطيت في حقي,,,,,))
أخطيت في حقي بلا ذنب وأسبـاب
وجيت اعتذر لك عن خطا ما ارتكبته
وارجوك سامح خافق منك منصاب
وابـى تناسـى ذنـب لاماعملتـه
لك منزل بالقلب ياسيـد الاحبـاب
وانت الذي قلبـي بحبـك ملكتـه
لوغبت طيفك حاضر دوم ماغـاب
وليلي من اجلك ياحبيبـي سهرتـه
ارحم خفوق من سبايبـك مرتـاب
وارحم خفوق في غرامك اسرتـه
بالحب صرنا ياهوى بالي اغـراب
وقلب هواك اليوم بيـدك جرحتـه
وانا الذي بالحب شرعت الابـواب
ولـولاك درب الحـب لاماعرفتـه
والله منك خاطـري يـوم ماطـاب
ولاغيرك احـد ياحبيبـي عشقتـه
ايه اعشقك والحب اخلاص واعجاب
وماغير شوفك في حياتـي طلبتـه
كتبت حبك ياحبيبـي علـى كتـاب
واسمك حبيبي وسط قلبي نقشتـه