[لينو]

سفري الها كان لظروف معينه ..
قبل ما أسافر كنت متحمسه للموضوع ..
تخيلتها متل الجزر الامريكيه ..
لكن لما وصلت عليها تفاجئت ..لأكون صريحه إنصدمت ☹
أول أسبوع حبست حالي بالشقه اللي أجرتها سابقاً ..
وكنت ألوم نفسي بكل دقيقه وكل ساعه بالقرار اللي اتخذته ..

لكن بعد هيك ..

قررت أني ما أسمح لنفسي تتغلب ع نفسي ..
أتصلت بشركة تأجير سيارات وأجرت سياره لمدة أسبوع ..
بس اكتشفت أن أكبر خطأ الواحد يأجر سياره بالجزيره ..
ههههههههه تعلمت أركب الباص متل السكان المحليين والسياح ..
تعلمت أحفظ أسامي المناطق اللي بدي اروحها لأحكي لسواق الباص اللي ما بعرف يحكي انجليزي 😩 ..
تعلمت كللمات كتيره ومهمه بلغة البابيومنتو ..
تعرفت ع الناس وصار عندي أصدقاء .. اللغه بينا لغة الإشارة هههههههه
بالجزيره كلها فيها مسجد واحد .. تعرفت ع البعض من الجاليه العربيه ..
تقريبا في 1000 عائله عربيه من سوريا ولبنان وفلسطين
لكن الجاليه اللبنانيه تواجدها أكتر ...

/
/

يتبع