رثاء بالشيخ: علي بن جزاع بن عجل رحمه الله
عزاي في شيخ تشرفت في قربه
وعزاي في شيخ عليه الحشا نار ملهوبه
وعزاي في شيخ كسى الناس من حبه
وعزاي من علقم هكا اليوم مشروبه
وعزاي من حزنه هكا اليوم يسعربه
وعزاي من ليله على الكف وجنوبه
وعزاي من وجهه تلاطم ومعربه
وعزاي في فواز ثم اخرى ومصحوبه
لفايز واهل البيت والعجل والسربه
وعزاي في مجلس هل الطيب حيوبه
وعزاي في دلةٍ ما ملّ من شربه
وعزاي بصحونن من السمن مربوبه
وعزاي في شمر على البعد والقربه
وعزاي في نفسي عليه الف نوبه
الشيخ ابو فواز تاريخ نذكربه
كل المكارم في هكا الوجه مكتوبه
نجمٍ سماوي كل ربعه تفاخر به
الطيب ساسه وساس الطيب مركوبة
ياما دواوين النشاما ترحبه
حشيم نفس وجلسته دوم مهيوبه
طب الضعيف لييأس الناس من طبه
عليه عيني من هميل الدمع مسكوبة
عسى ملائكة الكريم اليوم مكتبه
في جور قبرٍ حرم النار عن صوبه
وعساه في روض من الخلد تلعبه
رياح مسك وسلسبيل العذب مشروبه
وسحايب الرضوان تاتيه من ربه
في ساعة كل المخاليق مرعوبه