اللي لفى صدفه على القلب و يغيب
ما يجوز في شرع المحبه وداعه
ما كل هقوه يا ولد و الله تصيب
اقصر قدم رجلك بقدر استطاعه
لا تقول حظي و الله انه بدى يخيب
و لا كل هرجاً تـنـتـبه لـ استماعه
بعض الكلام اصد عنه ما هو عيب
لاني وصلت لحد اسمه قناعه
من واقع الفكره و من جرح ما يطيب
ما ضاق صدري في دروب الوساعه
اراجع الذكرى واخط المكاتيب
و اشّبهه بالبدر لا اضوى شعاعه
احداً على قلبك يجي لك على طيب
يضيق صدرك لوه يغيب ساعه
واحداً ترى سبت جروحاً معاطيب
فرقاه عيد و لا تبي لـ انتفاعه
اللي مقّدر حاصلاً ما بها ريب
لوه خطر تمشي و تاطى لقاعه
جاني بصدفه ثم صدفه هو يغيب
وما يجوز في شرع المحبه وداعه
#عبدالله_بن_فلاح