تجلس تتابع مباراة بهدوء تشوف قدامك واحد قايم يبي يصب حليب بالزنجبيل تقوله وخر شوي يروح يجلس وهو يسحب رجليه
مجموعة ثانية من اربعة اشخاص يلعبون ورقة بزاوية مجلس الاستراحة
لهم صياح على الورقة
ولا تسمع معلق المباراة وش يقول
وبعدها كل من دخل راح صب له شاهي وقام يسولف مع الثاني وانت لا شايف ولا سامع وش يدور بالمباراة
بالنهاية تنتهي المباراة وانت يادوب تعرف النتيجة
بعد ربع ساعة بس
يجيك اتصال
الو ابو فلان شلونك
تقوله بخير
يقولك ماتعرف واسطة بالشرطة
تقوله ليش عسى ماشر ؟
يقول اخوي مسكوه يقولون يفحط بعد المباراة
تقوله حتى لو عندي واسطة اخليهم يجلدونه بالسوق
يقفل الخط بوجهك ويقول
( ماوراك خير )
تقول (بقلبك) اجل اخوك اللي وراه بخير يوم يأذي الناس ؟
فعلا ( كثيرة هي الاشياء الغريبة )