[][align=center]الليلـه الليلـه تزيـن الطـواريـق=وبيوت شعري للحقايق عواشيـق
وحب الوطن نوخ مابين المعاليـق=والله يعز الديـن ويعـز أل سعـود
سلام من شاعر وريث المناعيـر=شاعر وقافه في علـو الشناظيـر
لامن قصد يسحر جميع الجماهيـر=والشعرلامنه رقا دايم اسنـود
واخص ابو متعب طليق الحجاجيـن=الي يمينه نزحـت حـادي البيـن
لامن وقف نخت جموع الشياطيـن=ننصاه لامن الزمـن ورد السـود
مليكنـا الـي بالمحبـه ملكـنـا=ولولا يمينـه بالفقـر قـد بركنـا
واكبر دلايل فـي نعيمـه شركنـا=وحنا يابومتعب لك دروع وجنـود
ياراعي الطولات يامنبـع الطيـب=يابن الرجال الي تعـد المواجيـب
لاياذرانا عـن سمـوم اللواهيـب=في ظل حكمك ينتهي مصدر الكـود
ابو اليتامـا والعطايـا بـه تفـوح=وروح التواضع يبني بيوت وصروح
كنقن ويملك ياعرب خفة الـروح=ومن عادته يثني على الطيب مردود
موضوعي اني يابو متعب نخيتـك=شلت الهموم الكايـدات ونصيتـك
عنهم وعني بعت خوفـي وجيتـك=لاشك حدوني وانا اليـوم محـدود
بالكهرباء عقلي به الشك غـواص=مدري حكومي ولامحسوب للخـاص
كن الموظف للهواجيـس مقنـاص=متعلقن والفكر بالهم معقود
نوابهـا تسـع وثلاثيـن نـايـب=جـرة قلمهـم بالزيـادات عايـب
حتى غدى حق الموظـف طلايب=والزود مامن زود يامـدور الـزود
كل الخلايق اهتنوا بالزياده=حكومي ولا عسكري بالرياده
ولا السياده حنا اهل السياده=نتعب وندري بالخطر دوم موجود
حتى حسبنا إننـا بالعمـل نقـص=نعمل وراتبنا يجي نقص في نقـص
وسقف الرواتب وقف وثبت القـص=حتى غدى الراتب به النقص مولود
وتقييمنا جيــــــد على الحر والباز=مافيه فرق بين جيد وممتاز
والعذر نسبه والمعاذير معكاز=تعمل وترقد يعني متشابه الفود
اقبـل رسالـة جنديلـك يـذودي=عندالمواقـف ماتراجـع سعـودي
يزود فـي حبـك وحبـك يـزودي=والله يعز الديـن ويعـز ال سعـود
منقول من صفحتنا على الفيس بوك
هموم موظفي الكهرباء [/align][/color]