رثاء الشيخ/ماجد بن عقاب العجل(اخو هيا)
العلم جاني وارتجف قلبي ارجاف
وعيني غدت نهر(ن) مديم(ن) مجاريه
وطاحت رجال(ن) من قويين الاجلاف
من هول ما جانا من الناس طاريه
اخو (هيا) نجم(ن) ولا عاد ينشاف
سطّر حياته باحث(ن) عن معاليه
من صغر سنه مسرف الطيب بسراف
وعجله على كل المعالي خطاويه
ونال المراد وزاد عليا ومشراف
زعيم عبده جاهل(ن) من يباريه
جاب العلوم اللي ***جزيلات ونظاف
ولا غض طرفه يوم ربعه تناديه
حوّل على كل الصعايب ولا خاف
ولا فكّر اللي من ورا الباب وش فيه
دانة لها شيوخ وحمايل ***وعراف
ولايجحده حتى بعيد(ن) معاديه
ابن عجل واقولها لاهل الانصاف
يا شيخةٍ ما دورت معترف فيه***
ماجد بناله صرح في وجه الاعصاف
ما تهدمه سود الليالي وتفنيه
واليوم في جيرة كريم(ن) ***ورأف
الواحد اللي معظم الخلق ترجيه
وادعوه وأمره حزت النون والكاف
ينزل على قبره سحايب رضاويه
السنعوسي