يالله اللي باسطاً سبع الاراضي
ابتدي بك وانت علام الخفيه
قدرت الله ما عليها الاعتراضي
عطفك و لطفك يا خلاق البريه
احترمنا دام بان السيل فاضي
واحزمنا دامها بروحه و جيه
شفت مزن الغيث بعيوني و ناضي
والخوي حقه يقّدر في خويه
حن مشينا صدق في حاضر و ماضي
ماسكيناً في عوايد لاوليه
انشدوها من الجزيره اليا الرياضي
الخبر موجود واجواداً دريه
القضيه ما تبي ذا اليوم قاضي
صكنا موجود نكسب للقضيه
هاجسي لجل الخوي ذا اليوم هاضي
انتهض واصبح معانيه قويه
زلته لا منها جات متغاضي
ماشيه ثم ماشيه من طيب نيه
من قديم الوقت معروف الفياضي
ما علينا كان حاسوها رديه
كلمةً بقفاي من قلوباً غلاضي
ما تهم القلب ما صارت جريه
من بغاني ياقف بوجهي و راضي
ولا اقبل الا كفو قايد للسريه
وان هزمني فارس بسيفاً يناضي
اعترف به وارفع اعلامه بيديه
واقدح براسي و هذا الافتراضي
واثلم خيول تّعرض فارسيه
كل برقاً بالسما يبرق و ياضي
والقوافي في حروف الابجديه
#عبدالله_بن_فلاح