[سعود الصعيري]

حروف على جداري /




لا تصوَّر حب قلبي .. دونك الصـورة
بروزتها .. في عيوني .. تجمع أحزاني
بس تدري .. بروزتها حيـل مكسـورة
صورتك في وسط عيني .. لا تمنانـي
هالخفوق اللي جرحته .. ما انتهى دوره
فيه من نبض الحياة .. إحساس خِلاّنـي
لو يموت إحساس حبك قلت : مأجـورة
روح شاعر .. والبقية في أمـل ثانـي
لو وقف نزف المشاعر .. تمطر سطوره
لو يموت اللي بصدري .. همّي أحيانـي
لو تشوف الشمس غابت .. للقمر نـوره
لو تهز الأرض حولي .. تثبت أركانـي
انكسر جنح الظـلام .. وفـج ديجـوره
بين مبسم هالصغير .. ولمّـة أخوانـي
واللي أكبر من جروحك أرض معمـورة
بابتسامة .. من وجيه النور .. وأخداني
لا تظن الروح عقبك .. حيـل مقهـورة
لا تظن القلب بعدك .. عـاش وحدانـي
ما بقا من نبض حبك .. والشقا صـورة
خذ براويز الوداع .. و جملة أحزانـي
دوك جرحك مع خفوقي .. انتهـى دوره
ما بقا في وسط قلبي .. غيـر خِلاّنـي

للرائع والمبدع والبحر

النبراس


دمتم


بخير





جـــــــ بــقــلـبـي ــــرح